പ്രതീകാത്മക ചിത്രം 
India

തുണിയെന്ന് കരുതി പിടിച്ചുവലിച്ചു ; പുള്ളിപ്പുലിയെന്ന് അറിഞ്ഞപ്പോള്‍ പെണ്‍കുട്ടികള്‍ ഞെട്ടി ; വനിതാ ഹോസ്റ്റലില്‍ പരിഭ്രാന്തി

വനം വകുപ്പ് ഉദ്യോഗസ്ഥര്‍ എത്തി നാലു മണിക്കൂറോളം പരിശ്രമിച്ച ശേഷമാണ് പുലിയെ കൂട്ടിലാക്കാന്‍ കഴിഞ്ഞത്

സമകാലിക മലയാളം ഡെസ്ക്

ഗുവാഹത്തി : ലേഡീസ് ഹോസ്റ്റലില്‍ കയറിയ പുള്ളിപ്പുലി അന്തേവാസികളെ പരിഭ്രാന്തിയിലാഴ്ത്തി. അസമിലെ ഹംഗേരാബാരിയിലാണ് സംഭവം. ഹോസ്റ്റല്‍ മുറിയിലെ സോഫയ്ക്ക് അടിയില്‍ സുഖമായി ഉറങ്ങുകയായിരുന്നു അതിക്രമിച്ചു കടന്ന പുലി.

15 പെണ്‍കുട്ടികളാണ് ഹോസ്റ്റലില്‍ ഉണ്ടായിരുന്നത്. സോഫയ്ക്ക് അടിയില്‍ കിടന്ന പുലിയെ തുണിയെന്ന് തെറ്റിദ്ധരിച്ച് ഒരു പെണ്‍കുട്ടി പിടിച്ചതോടെയാണ് അതിക്രമിച്ചു കയറിയ 'ഭീകരനെ' തിരിച്ചറിയുന്നത്. 

ഭയന്ന പെണ്‍കുട്ടികള്‍ മുറിയില്‍ കയറി വാതിലടച്ചു. തുടര്‍ന്ന് വനംവകുപ്പ് ഉദ്യോഗസ്ഥരെ വിവരം അറിയിക്കുകയായിരുന്നു. വനം വകുപ്പ് ഉദ്യോഗസ്ഥര്‍ എത്തി നാലു മണിക്കൂറോളം പരിശ്രമിച്ച ശേഷമാണ് പുലിയെ കൂട്ടിലാക്കാന്‍ കഴിഞ്ഞത്. 

വനം വകുപ്പ് ഉദ്യോഗസ്ഥര്‍ മയക്കുവെടി വെച്ചതോടെ, പുലി അടുത്ത വീട്ടിലേക്ക് ഓടിക്കയറിയതും പരിഭ്രാന്തി ഇരട്ടിച്ചു. തുടര്‍ന്ന് വനംവകുപ്പ് അധികൃതര്‍ പുലിയെ കൂട്ടിലടയ്ക്കുകയായിരുന്നു.

പുലിയെ മൃഗശാലയിലേക്ക് മാറ്റി. പരിക്കുകള്‍ ഭേദമായ ശേഷം  പുലിയെ കാട്ടില്‍ വിടുമെന്ന് അസം വനംവകുപ്പ് ഉദ്യോഗസ്ഥര്‍ അറിയിച്ചു. 
 

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

'കേരളം എന്നെക്കാള്‍ ചെറുപ്പം; ദാരിദ്ര്യം മാറിയിട്ടില്ല, വിശക്കുന്ന വയറുകള്‍ കണ്ടുകൊണ്ടായിരിക്കണം വികസനം'

വിദ്യാർത്ഥികൾക്ക് പൂജ്യം മാർക്ക്, സ്കൂൾ ജീവനക്കാർക്ക് 200,000 ദിർഹം പിഴ, പരീക്ഷയിൽ ക്രമക്കേട് കാണിച്ചാൽ കടുത്ത നടപടിയുമായി യുഎഇ

ബിഹാറില്‍ വീണ്ടും എന്‍ഡിഎ; മുഖ്യമന്ത്രി സ്ഥാനത്തേക്ക് കൂടുതല്‍ പിന്തുണ തേജസ്വിക്ക്; അഭിപ്രായ സര്‍വേ

അതിദാരിദ്ര്യമുക്ത പ്രഖ്യപനം പിആര്‍ വര്‍ക്ക്; പാവങ്ങളെ പറ്റിച്ച് കോടികളുടെ ധൂര്‍ത്ത്; കണക്കുകള്‍ക്ക് ആധികാരികതയില്ലെന്ന് രാജീവ് ചന്ദ്രശേഖര്‍

'വെറും വാ​ഗ്ദാനം... അതും പറഞ്ഞ് പോയ എംപിയാണ്'; വീണ്ടും, പ്രതാപന് 'പഴി'; സുരേഷ് ​ഗോപി മാന്യനെന്ന് തൃശൂർ മേയർ (വിഡിയോ)

SCROLL FOR NEXT