ഭോപ്പാല്‍: കടയില്‍ ചായ ഉണ്ടാക്കുന്ന ആളുടെ മുഖം കണ്ട് നാട്ടുകാര്‍ ഞെട്ടി. ഇത് മുഖ്യമന്ത്രി മോഹന്‍ യാദവ് അല്ലേ!, കണ്ടുനിന്നവര്‍ പരസ്പരം ചോദിച്ചു. തിരിച്ചറിഞ്ഞ് അടുത്തുകൂടിയവര്‍ക്ക് നല്ല ചൂടു ചായ ഉണ്ടാക്കി നല്‍കിയാണ് അദ്ദേഹം സ്വീകരിച്ചത്.

സത്‌നയിലെ ചിത്രകൂടിലൂടെ സഞ്ചരിക്കുമ്പോഴാണ് രാധ എന്ന വനിത നടത്തുന്ന തട്ടുകട മുഖ്യമന്ത്രിയുടെ ശ്രദ്ധയില്‍പ്പെട്ടത്. ഉടന്‍ തന്നെ കടയില്‍ കയറിയ മുഖ്യമന്ത്രി ഒപ്പമുണ്ടായിരുന്ന എംഎല്‍എ ഉള്‍പ്പെടെയുള്ളവരെ അമ്പരപ്പിച്ച് ചായ ഉണ്ടാക്കാന്‍ തുടങ്ങി.

70 കഴിഞ്ഞ എല്ലാവർക്കും ആരോ​ഗ്യ ഇൻഷുറൻസ്; ആയുഷ്മാൻ ഭാരത് സൗജന്യ പരിരക്ഷ നാളെ മുതൽ, അറിയേണ്ടതെല്ലാം

എപ്പോഴെങ്കിലും ഭാര്യയ്ക്ക് ചായ ഉണ്ടാക്കി കൊടുത്തിട്ടുണ്ടോ എന്നായി ഒരു വഴിപോക്കന്റെ ചോദ്യം. ഭാര്യയ്ക്ക് വേണ്ടിയല്ല സഹോദരിക്ക് വേണ്ടിയാണ് ചായ ഉണ്ടാക്കുന്നതെന്ന് കടയുടമ രാധയെ ചൂണ്ടിക്കാട്ടി പറഞ്ഞു. അധികം പഞ്ചസാര വേണ്ടെന്ന് പറഞ്ഞ് മുഖ്യമന്ത്രിയുടെ ഭാര്യയും രംഗം കൊഴുപ്പിച്ചു. ഒടുവില്‍ ചായയുടെ പണവും നല്‍കിയാണ് മുഖ്യമന്ത്രി മടങ്ങിയത്.