മുംബൈ: സംവരണവുമായി ബന്ധപ്പെട്ട വിഷയത്തില്‍ പ്രതിഷേധിച്ച് മഹാരാഷ്ട്ര ഡെപ്യൂട്ടി സ്പീക്കര്‍ നിയമസഭയുടെ മൂന്നാം നിലയില്‍ നിന്നും താഴേക്ക് ചാടി. മഹാരാഷ്ട്ര നിയമസഭ ഡെപ്യൂട്ടി സ്പീക്കറും എന്‍സിപി അജിത് പവാര്‍ വിഭാഗം എംഎല്‍എയുമായ നര്‍ഹരി ജര്‍വാള്‍ ആണ് മഹാരാഷ്ട്ര മന്ത്രാലയയുടെ മൂന്നാം നിലയില്‍ നിന്നും താഴേക്ക് ചാടിയത്.

താഴെ വിരിച്ച വലയില്‍ വീണതിനാല്‍ ഡെപ്യൂട്ടി സ്പീക്കര്‍ പരിക്കേല്‍ക്കാതെ രക്ഷപ്പെട്ടു. ജര്‍വാളിനൊപ്പം മറ്റു മൂന്നുപേര്‍ കൂടി പ്രതിഷേധസൂചകമായി താഴേക്ക് ചാടിയിരുന്നു. പട്ടിക വിഭാഗത്തിന്റെ ക്വാട്ടയില്‍ നിന്നും ധാങ്കര്‍ സമുദായത്തിന് സംവരണം നല്‍കുന്നതിനെ ജര്‍വാള്‍ എതിര്‍ത്തിരുന്നു.

'രാഷ്ട്രീയ നാടകം വേണ്ട'; തിരുപ്പതി ലഡു വിവാദത്തില്‍ സ്വതന്ത്ര അന്വേഷണ സംഘത്തെ നിയോഗിച്ച് സുപ്രീം കോടതി

ഒബിസി വിഭാഗത്തില്‍പ്പെട്ട ധാങ്കര്‍ സമുദായം പട്ടിക വര്‍ഗ സംവരണം അനുവദിക്കണമെന്ന് ആവശ്യപ്പെട്ട് പ്രതിഷേധത്തിലായിരുന്നു. മുഖ്യമന്ത്രി ഏക്‌നാഥ് ഷിന്‍ഡെയുടെ അധ്യക്ഷതയില്‍ മന്ത്രിസഭായോഗം ചേരുന്നതിനിടെ, മഹാരാഷ്ട്ര മന്ത്രാലയത്തിന് പുറത്ത് ഗോത്രവിഭാഗത്തില്‍പ്പെട്ട എംഎല്‍എമാരുടെ നേതൃത്വത്തില്‍ പ്രതിഷേധം സംഘടിപ്പിച്ചിരുന്നു.