ന്യൂഡല്‍ഹി: വളര്‍ത്തുനായയ്ക്ക് ഭക്ഷണം നല്‍കുന്നതിനെ ചൊല്ലിയുള്ള തര്‍ക്കത്തിനിടെ, കാമുകിയുടെ അമ്മയ്ക്ക് യുവാവിന്റെ വെടിയേറ്റു. ആശുപത്രിയില്‍ ചികിത്സയില്‍ കഴിയുന്ന 40കാരിയുടെ ആരോഗ്യനില തൃപ്തികരമാണെന്ന് പൊലീസ് അറിയിച്ചു. സംഭവത്തിന് ശേഷം ഒളിവില്‍ പോയ 28കാരനായി തെരച്ചില്‍ ആരംഭിച്ചതായും പൊലീസ് വ്യക്തമാക്കി.
സെന്‍ട്രല്‍ ഡല്‍ഹിയില്‍ ശനിയാഴ്ച വൈകീട്ട് ആറുമണിക്കാണ് സംഭവം. വളര്‍ത്തുനായയ്ക്ക് ഭക്ഷണം നല്‍കുന്നതിനെ ചൊല്ലി യുവാവും കാമുകിയും തമ്മില്‍ വഴക്കിട്ടു. പ്രശ്‌നം പരിഹരിക്കാന്‍ ഇടപെട്ട കാമുകിയുടെ അമ്മയ്ക്കാണ് വെടിയേറ്റത്. ഭയപ്പെടുത്താന്‍ ഉദ്ദേശിച്ചാണ് യുവാവ് തോക്ക് എടുത്ത് വെടിയുതിര്‍ത്തത്. എന്നാല്‍ അബദ്ധത്തില്‍ കാമുകിയുടെ അമ്മയ്ക്ക് വെടിയേല്‍ക്കുകയായിരുന്നുവെന്ന് പൊലീസ് പറയുന്നു.
40കാരിയുടെ മകളായ 22കാരി യുവാവിനൊപ്പമാണ് താമസിക്കുന്നത്. വളര്‍ത്തുനായയെ ചൊല്ലി ഇരുവരും തമ്മില്‍ വഴക്കിടുകയായിരുന്നു. വളര്‍ത്തുനായയ്ക്ക് ഭക്ഷണം നല്‍കണമെന്ന നിലപാടാണ് യുവതി സ്വീകരിച്ചത്. എന്നാല്‍ വളര്‍ത്തുനായയ്ക്ക് ഭക്ഷണം നല്‍കുന്നതിനെ യുവാവ് എതിര്‍ത്തു. മണിക്കൂറുകള്‍ നീണ്ട വാക്കേറ്റത്തിന് ഒടുവില്‍ 22കാരി പ്രശ്‌നത്തില്‍ ഇടപെടാന്‍ അമ്മയെ വിളിച്ചുവരുത്തി. ഇരുവരെയും പേടിപ്പിക്കാന്‍ ഉദ്ദേശിച്ച് വെടിയുതിര്‍ത്തപ്പോള്‍ അബദ്ധത്തില്‍ കാമുകിയുടെ അമ്മയ്ക്ക് വെടിയേല്‍ക്കുകയായിരുന്നുവെന്നും പൊലീസ് പറയുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates