ന്യൂഡൽഹി: മണിപ്പൂർ കലാപത്തിൽ കേന്ദ്ര ആഭ്യന്തരമന്ത്രി അമിത് ഷാ വിളിച്ചു ചേർത്ത സർവകക്ഷി യോ​ഗം ഇന്ന്. ഉച്ചതിരിഞ്ഞ് മൂന്ന് മണിക്ക് പാർലമെന്റ് ലൈബ്രറി മന്ദിരത്തിലാണ് യോ​ഗം. സംസ്ഥാനത്തെ ഇപ്പോഴത്തെ സ്ഥിരി കേന്ദ്രം യോ​ഗത്തിൽ വിശദീകരിക്കും.

അസം മുഖ്യമന്ത്രി ഹിമന്ത ബിശ്വ ശർമ കേന്ദ്രമന്ത്രി അമിത്‌ ഷായുമായി കൂടിക്കാഴ്ച നടത്തിയിരുന്നു. ഇതിന് പിന്നാലെയാണ് സർവകക്ഷിയോഗം വിളിക്കാൻ തീരുമാനിച്ചത്. കലാപം തുടരുന്ന സാഹചര്യത്തിൽ സംസ്ഥാനത്ത് ഇന്റർനെറ്റ് നിരോധനം ഈ മാസം 25 വരെ നീട്ടിയിരുന്നു.

അതേസമയം പ്രധാനമന്ത്രി വിദേശയാത്ര നടത്തുന്നതിനിടെ യോ​ഗം വിളിച്ചു ചേർത്തതിൽ പ്രതിപക്ഷം വിമർശിച്ചു. മണിപ്പൂർ സർക്കാരിനെ പിരിച്ചു വിടണമെന്ന് പ്രതിപക്ഷം ആവശ്യപ്പെടും. അതേസമയം പത്ത് പാർട്ടികൾ മണിപൂരിലെ സംഘർഷം അവസാനിപ്പിക്കണമെന്ന് ആവശ്യപ്പെട്ട് രാജ്ഘട്ടിൽ ഇന്ന് ഉപവാസ സമരം നടത്തും. 

ഈ വാർത്ത കൂടി വായിക്കൂ 

ഡൽഹി ഓർഡിനൻസിനെതിരെ കോൺ​ഗ്രസ് നിലപാട് എടുക്കാതെ ഐക്യത്തിനില്ല; ഉപാധി വെച്ച് എഎപി

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ