ഹൈദരാബാദ്: മാവോയിസ്റ്റ് നേതാവ് പ്രശാന്ത് ബോസ് എന്ന കിഷൻ ദായെയും ഭാര്യ ഷീല മറാണ്ഡിയും ഝാർഖണ്ഡിൽ അറസ്റ്റിലായി. തലയ്ക്ക് ഒരു കോടി രൂപ പാരിതോഷികം പ്രഖ്യാപിച്ചിരുന്ന പ്രശാന്ത് ബോസ് അറസ്റ്റിലായതായി ഝാർഖണ്ഡ് പൊലീസ് അറിയിച്ചു. ഇന്റലിജൻസ് വിവരങ്ങളുടെ അടിസ്ഥാനത്തിൽ നടത്തിയ അന്വേഷണത്തിലാണ് ഇരുവരും പിടിയിലായത്. 

നിരവധി ക്രിമിനൽ കേസുകളിൽ പ്രതിയായ കിഷൻ ദാ മുമ്പ് മാവോയിസ്റ്റ് കമ്മ്യൂണിസ്റ്റ് സെന്‍റർ ഓഫ് ഇന്ത്യയുടെ (എംസിസിഐ) തലവനായിരുന്നു. സിപിഐ മാവോയിസ്റ്റിന്‍റെ നയരൂപീകരണ സെൻട്രൽ കമ്മിറ്റിയിലെ (സിസി) ഏക വനിതാ അംഗമാണ് ഷീല മറാണ്ഡി.