ന്യൂഡല്‍ഹി: വീണ്ടും ആകാശത്ത് വിസ്മയം കാണാന്‍ കാത്തിരുന്നു ലോകം. ഗ്രഹങ്ങളായ വ്യാഴവും ശനിയും ഒത്തുചേര്‍ന്നതിന് സമാനമായി ചൊവ്വയും ശുക്രനും അടുത്തടുത്ത വരുന്ന ആകാശകാഴ്ചയ്ക്കായാണ് ലോകം കാത്തിരിക്കുന്നത്. ചൊവ്വ, ബുധന്‍ ദിവസങ്ങളില്‍ ഈ പ്രപഞ്ചവിസ്മയം ആകാശത്ത് ദൃശ്യമാകുമെന്ന് ബഹിരാകാശനിരീക്ഷകര്‍ പറയുന്നു.
ഈ ഒത്തുചേലിന് മാറ്റ് കൂട്ടി ചന്ദ്രനും ഇവയ്ക്ക് അരികില്‍ എത്തുന്നത് ആകാശത്ത് കണ്ണിന് വിരുന്നൊരുക്കുമെന്ന് വിദഗ്ധര്‍ പറയുന്നു. സൂര്യന്‍ അസ്തമിച്ചതിന് ശേഷമാണ് ഇത് ദൃശ്യമാകുക. നഗ്ന നേത്രം കൊണ്ട് ഇത് കാണാന്‍ സാധിക്കുമെന്ന് ബംഗളൂരു കേന്ദ്രമായി പ്രവര്‍ത്തിക്കുന്ന ഇന്ത്യന്‍ ഇന്‍സ്റ്റിറ്റിയൂട്ട് ഓഫ് ആസ്‌ട്രോഫിസിക്‌സ് പറയുന്നു.
മൂന്ന് ഗ്രഹങ്ങള്‍ അടുത്തുവരുന്നത് കാണുമ്പോള്‍ ഇവ തമ്മില്‍ വലിയ അന്തരം ഇല്ല എന്ന് തോന്നാം. യഥാര്‍ത്ഥത്തില്‍ ലക്ഷകണക്കിന് കിലോമീറ്റര്‍ അകലമാണ് ഗ്രഹങ്ങള്‍ക്കിടയിലുള്ളത്. ജൂലൈ 13നാണ് ചൊവ്വയും ശുക്രനും അരികിലൂടെ കടന്നുപോകുക. ഇന്ന് ചന്ദ്രനും ഇവയ്ക്ക് അരികില്‍ എത്തും. ഇന്ന് രാത്രി തന്നെ ആകാശത്തെ ഈ വിസ്മയം കാണാന്‍ സാധിക്കുമെന്നും ഇന്ത്യന്‍ ഇന്‍സ്റ്റിറ്റിയൂട്ട് ഓഫ് ആസ്‌ട്രോഫിസിക്‌സ് അറിയിച്ചു.
അനുകൂലമായ കാലാവസ്ഥയാണെങ്കില്‍ രാജ്യത്ത് എവിടെ നിന്നും ഇത് കാണാന്‍ സാധിക്കും. സൂര്യന്‍ അസ്തമിച്ച ശേഷമാണ് നഗ്ന നേത്രങ്ങള്‍ കൊണ്ട് ഈ ആകാശ വിസ്മയം കാണാന്‍ സാധിക്കുക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates