കാണ്‍പുര്‍: പതിനേഴുകാരന്‍ വിവാഹിതയായ മുപ്പതുകാരിയെ ബലാത്സംഗം ചെയ്ത് ദൃശ്യങ്ങള്‍ പകര്‍ത്തി സോഷ്യല്‍ മീഡിയയില്‍ പ്രചരിപ്പിച്ചു. ദൃശ്യങ്ങള്‍ കണ്ട ഭര്‍തൃവീട്ടുകാര്‍ യുവതിയെ പുറത്താക്കി.
ഉത്തര്‍പ്രദേശിലെ കാണ്‍പൂരില്‍ സദര്‍ പൊലീസ് സ്റ്റേഷന്‍ പരിധിയിലാണ് സംഭവം. അഞ്ചു മാസം മുമ്പാണ് കുറ്റകൃത്യം നടന്നതെന്ന് പൊലീസ് പറഞ്ഞു. എന്നാല്‍ യുവതി ഇത് ആരെയും അറിയിച്ചില്ല. എന്നാല്‍ കഴിഞ്ഞ ദിവസം പതിനേഴുകാരന്‍ ദൃശ്യങ്ങള്‍ സോഷ്യല്‍ മീഡിയ വഴി പ്രചരിപ്പിക്കുകയായിരുന്നു.
വിഡിയോ കണ്ട ഭര്‍തൃവീട്ടുകാര്‍ യുവതിയെ വീട്ടില്‍നിന്നു പുറത്താക്കി. തുടര്‍ന്നു യുവതി പൊലീസില്‍ പരാതി നല്‍കുകയായിരുന്നു. യുവാവ് ഒളിവിലാണെന്ന് പൊലീസ് പറഞ്ഞു.
യുവതി ഇപ്പോള്‍ സ്വന്തം വീട്ടിലാണ് താമസം. അന്വേഷണം നടക്കുകയാണെന്നും പ്രതിയെ ഉടന്‍ പിടികൂടുമെന്നും പൊലീസ് അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates