അ​ഹമ്മദാബാദ്: യുവാവിന്റെ പോക്കറ്റിൽ കിടന്ന മൊബൈൽ ഫോൺ കത്തി. ഒരു ഷോപ്പിൽ ഇരിക്കവെയാണ് ഫോണിൽ നിന്ന് പുക വരികയായിരുന്നു. സിസിടിവിയിൽ പതിഞ്ഞ സംഭവത്തിന്റെ വീഡിയോ വൈറൽ. ഗുജറാത്തിലെ പടാനിലാണ്​ സംഭവം. 

നാല് പേർ ചേർന്ന്​ കടയിൽ സംസാരിച്ചിരിക്കവെ ഒരാളുടെ പോക്കറ്റിൽ കിടന്ന മൊബൈൽ പുകഞ്ഞ്​ കത്തുകയായിരുന്നു. ഉടനെ ഇയാൾ മൊബൈൽ പോക്കറ്റിൽ നിന്ന്​ തട്ടി പുറത്തേക്കിട്ടു. കടയിലെ സിസിടിവിയിൽ പതിഞ്ഞ ദൃശ്യങ്ങൾ സാമൂഹിക മാധ്യമങ്ങളിൽ എത്തിയതോടെ വൈറലായി. മൊബൈലിൽ നിന്ന് പുക ഉയരുന്നത് പെട്ടെന്ന്​ ശ്രദ്ധിച്ചതിനാൽ ദുരന്തം ഒഴിവായി.

വെള്ളിയാഴ്ച രാവിലെ 10 മണിയോടെയാണ് സംഭവം. ഏപ്രിലിൽ സമാനമായ വീഡിയോ വൈറലായിരുന്നു. അന്ന്​ ചൈനയിലായിരുന്നു അപകടം നടന്നത്​. ഒരാളുടെ ബാഗിലുണ്ടായിരുന്ന മൊബൈൽ വളരെ തിരക്കേറിയ സ്ഥലത്തുവച്ച്​ തീപിടിക്കുകയായിരുന്നു. അന്നും വീഡിയോ സോഷ്യൽ മീഡിയയിൽ വൈറലായിരുന്നു.