സ്വാതന്ത്ര്യദിനാഘോഷ പരിപാടിക്കിടെ കുട്ടികളുമായി ആശയവിനിമയം നടത്തുന്ന പ്രധാനമന്ത്രി  PTI
India

ഉദ്യോഗാര്‍ഥികള്‍ക്ക് സൗജന്യ ഓണ്‍ലൈന്‍ കോച്ചിങ്, ഒരു കോടി യുവാക്കള്‍ക്ക് എഐ പരിശീലനം; പ്രഖ്യാപനവുമായി മോദി

മത്സരപ്പരീക്ഷകള്‍ക്ക് തയ്യാറെടുക്കുന്ന ഉദ്യോഗാര്‍ഥികള്‍ക്കായി സൗജന്യ ഓണ്‍ലൈന്‍ കോച്ചിങ് പ്രഖ്യാപിച്ച് പ്രധാനമന്ത്രി നരേന്ദ്രമോദി

Author : സമകാലിക മലയാളം ഡെസ്ക്
Edited By : Dhanoj AM

ന്യൂഡല്‍ഹി: മത്സരപ്പരീക്ഷകള്‍ക്ക് തയ്യാറെടുക്കുന്ന ഉദ്യോഗാര്‍ഥികള്‍ക്കായി സൗജന്യ ഓണ്‍ലൈന്‍ കോച്ചിങ് പ്രഖ്യാപിച്ച് പ്രധാനമന്ത്രി നരേന്ദ്രമോദി. കൂടാതെ ഒരു കോടി യുവാക്കള്‍ക്ക് ആര്‍ട്ടിഫിഷ്യല്‍ ഇന്റലിജന്‍സ് പരിശീലനം നല്‍കുമെന്നും അദ്ദേഹം പറഞ്ഞു. ഇന്ത്യയുടെ 80-ാമത് സ്വാതന്ത്ര്യദിനത്തില്‍ രാജ്യത്തെ അഭിസംബോധന ചെയ്യുകയായിരുന്നു മോദി.

'മത്സരപ്പരീക്ഷകള്‍ക്ക് തയ്യാറെടുക്കുന്ന പാവപ്പെട്ട ഉദ്യോഗാര്‍ഥികള്‍ക്ക് കോച്ചിങ് ക്ലാസുകള്‍ വലിയ സാമ്പത്തിക ബുദ്ധിമുട്ട് ഉണ്ടാക്കുന്നുണ്ട്. ഞങ്ങള്‍ വിവിധ പരീക്ഷകള്‍ക്കായി തയ്യാറെടുക്കുന്ന ഉദ്യോഗാര്‍ഥികള്‍ക്ക് സൗജന്യ ഓണ്‍ലൈന്‍ കോച്ചിങ് നല്‍കും'- മോദി പറഞ്ഞു. 'ഞങ്ങളുടെ കുട്ടിയെ കോച്ചിങ് ക്ലാസിലേക്ക് അയച്ചില്ലെങ്കില്‍ അത് നാണക്കേട് ആണ് എന്നാണ് ഓരോ മാതാപിതാക്കളും ചിന്തിക്കുന്നത്. അവര്‍ക്ക് ഞാന്‍ ഉറപ്പുനല്‍കുന്നു. കോച്ചിങ്ങിനായി ചെലവഴിക്കുന്ന ആയിരക്കണക്കിന് കോടി രൂപ ലാഭിക്കാന്‍ അവരെ സഹായിക്കും. ഇതുവഴി കുട്ടികളോട് അടുത്തിടപഴകാനും അവരെ പരിപാലിക്കാനും ഈ കുടുംബങ്ങള്‍ക്ക് സാധിക്കുന്ന തരത്തില്‍ സര്‍ക്കാര്‍ ഇടപെടും. ഞങ്ങളുടെ പക്കല്‍ ഡിജിറ്റല്‍ പബ്ലിക് ഇന്‍ഫ്രാസ്ട്രക്ചറുണ്ട്. ഞങ്ങളുടെ പക്കല്‍ മികച്ച പ്രതിഭകളും അധ്യാപകരുമുണ്ട്. ഈ വിഭവങ്ങളെല്ലാം ഒരുമിച്ച് കൊണ്ടുവന്ന് രാജ്യത്തെ യുവാക്കള്‍ക്ക് സൗജന്യ കോച്ചിങ് നല്‍കുന്നതിനായി സമ്പൂര്‍ണ ശൃംഖല നിര്‍മ്മിക്കും'- മോദി പറഞ്ഞു.

അടുത്ത ഒരു വര്‍ഷത്തിനകം ഒരു കോടി യുവാക്കള്‍ക്ക് എഐ വൈദഗ്ധ്യത്തില്‍ പരിശീലനം നല്‍കുമെന്നും പ്രധാനമന്ത്രി പ്രഖ്യാപിച്ചു. നീറ്റ് ചോദ്യപേപ്പര്‍ ചോര്‍ച്ചയെ തുടര്‍ന്ന് യുവജനങ്ങളുടെ ഭാഗത്ത് നിന്ന് വലിയ പ്രതിഷേധമാണ് കേന്ദ്രസര്‍ക്കാര്‍ നേരിട്ടത്. യുവജനങ്ങളുടെ പിന്തുണ നേടിയെടുക്കുന്നതിന് വേണ്ടിയാണ് സ്വാതന്ത്ര്യദിനത്തില്‍ പ്രധാനമന്ത്രിയുടെ ഈ പ്രഖ്യാപനം എന്നാണ് വിവിധ രാഷ്ട്രീയ കോണുകളില്‍ നിന്നുള്ള വിലയിരുത്തല്‍.

Modi announces free online coaching for youth

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

സ്വാമിയേ ശരണമയ്യപ്പാ..; മണ്ഡലകാല തീര്‍ഥാടനത്തിനായി ശബരിമല നട ഇന്ന് തുറക്കും

Weekly horoscope (November 15- November 21, 2026): ജോലി, പ്രണയം, സാമ്പത്തികം ഈ ആഴ്ച നിങ്ങള്‍ക്കെങ്ങനെ

Today's Rashi Phalam November 16| സർക്കാർ ആനുകൂല്യങ്ങളിൽ അനുകൂല പുരോഗതി, ആരോഗ്യം മെച്ചപ്പെടും

ഡിഗ്രിയുണ്ടോ? നാഷണൽ ഇൻഷുറസിൽ 200 ഒഴിവ്; കേരളത്തിലും അവസരം

'പോരാട്ടവീര്യത്തിന് ബാറ്റിങ് ഓര്‍ഡര്‍ ഇല്ല!! അഭിനന്ദനങ്ങള്‍ ചുണക്കുട്ടികളേ!'