ഷഹ്‌ദോള്‍ (മധ്യപ്രദേശ്): പൊലീസ് സ്റ്റേഷന്റെ ചുവരില്‍ മുറുക്കിത്തുപ്പിയ നാലു പൊലീസുകാരെ ഡ്യൂട്ടിയില്‍നിന്നു നീക്കി. ഒരു സബ് ഇന്‍സ്‌പെക്ടര്‍ ഉള്‍പ്പെടെയുള്ളവര്‍ക്ക് എതിരെയാണ് നടപടി.
സബ് ഇന്‍സ്‌പെക്ടറെക്കൂടാതെ രണ്ട് അസിസ്റ്റന്റ് സബ് ഇന്‍സ്‌പെക്ടര്‍മാര്‍, ഒരു ഹെഡ് കോണ്‍സ്റ്റബിള്‍ എന്നിവര്‍ക്കെതിരെയാണ് അച്ചടക്ക നടപടിയെടുത്തതെന്ന് എസ്പി അറിയിച്ചു. ഷഹ്‌ദോള്‍ ജില്ലയിലെ ഗൊഹ്പാരു സ്റ്റേഷനിലാണ് സംഭവം.
എസ്പി മിന്നല്‍ സന്ദര്‍ശനത്തിന് എത്തിയപ്പോള്‍ സ്റ്റേഷന്റെ ചുവരില്‍ തുപ്പല്‍ പാടുകള്‍ കണ്ടു. തുടര്‍ന്നു നടത്തിയ അന്വേഷണത്തിനൊടുവിലാണ് നാലു പേര്‍ക്കെതിരെ നടപടി വന്നത്. ചിലര്‍ സ്റ്റേഷന്‍ വൃത്തികേടാക്കുന്നുണ്ടെന്നും പലവട്ടം പറഞ്ഞിട്ടും അനുസരിക്കുന്നില്ലെന്നും ചുമതലയിലുണ്ടായിരുന്നവര്‍ എസ്പിയെ ധരിപ്പിച്ചു. തുടര്‍ന്നു നാലു പേരെയും ഫീല്‍ഡ് ഡ്യൂട്ടിയില്‍നിന്നു നീക്കം ചെയ്യുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates