കൊല്‍ക്കത്ത: ബംഗാള്‍ മുഖ്യമന്ത്രി മമത ബാനര്‍ജിക്ക് തെരഞ്ഞെടുപ്പ് കമ്മീഷന്റെ നോട്ടീസ്. പ്രചാരണത്തിനിടെ വര്‍ഗീയ പരാമര്‍ശം നടത്തിയെന്ന ബിജെപി പരാതിയുടെ അടിസ്ഥാനത്തിലാണ് നടപടി. കേന്ദ്രമന്ത്രി മുക്താര്‍ അബ്ബാസ് നഖ്‌വിയാണ് മമതയ്ക്ക് എതിരെ പരാതി നല്‍കിയത്. 

പ്രചാരണത്തിനിടെ മുസ്ലിംകളുടെ വോട്ട് വിഭജിച്ച് പോകാതെ നോക്കണമെന്ന് മമത പറഞ്ഞിരുന്നു. ഏപ്രില്‍ മൂന്നിലെ പ്രചാരണ യോഗത്തിലായിരുന്നു മമതയുടെ വിവാദ പരാമര്‍ശം.

നാല്‍പ്പത്തിയെട്ട് മണിക്കൂറിനുള്ളില്‍ വിശദീകരണം നല്‍കാനാണ് തെരഞ്ഞെടുപ്പ് കമ്മീഷന്‍ ആവശ്യപ്പെട്ടിരിക്കുന്നത്.