എന്തിനും ഏതിനും പ്രതിവിധി കണ്ടെത്താൻ മിടുക്കരാണ് ഇന്ത്യക്കാർ. ഇതിന്റെ പല ഉദ്ദാഹരണങ്ങളും ദിവസേന നമ്മൾ ഇന്റർനെറ്റിൽ കാണാറുമുണ്ട്. നവരാത്രി ആഘോഷങ്ങൾക്കിടെ ഉണ്ടായ ഇത്തരമൊരു സംഭവത്തിന്റെ വിഡിയോയാണ് ഇപ്പോൾ വൈറലാകുന്നത്. 

ഗുജറാത്തിലെ സൂറത്തിൽ ഒരു സംഘം ആളുകൾ നവരാത്രി ആഘോഷങ്ങളിൽ മുഴുകിയിരിക്കുമ്പോഴവാണ് അവിചാരിതമായി കറന്റ് പോയത്. ഉച്ചത്തിൽ പാട്ടുവച്ച് നൃത്തം ചെയ്യുന്നതിനിടെയായിരുന്നു ഒട്ടും പ്രതീക്ഷിക്കാതെ കറന്റ് ചതിച്ചത്. എന്നാൽ ഒട്ടും വൈകാതെ ഇലക്ട്രിക് സ്‌കൂട്ടർ ഉപയോഗിച്ച് പാട്ട് വച്ച് ആഘോഷം തുടരുകയായിരുന്നു ഇവർ. 

ഒല എസ്1 പ്രോ ആണ് നവരാത്രി ദിനത്തിൽ ഗർബ നർത്തകരെ സഹായിച്ചത്. ഐഡിയ കലക്കി എന്നും അടുത്ത പാർട്ടിക്ക് സ്പീക്കർ നോക്കണ്ട എന്നുമൊക്കെയാണ് വിഡിയോയ്ക്ക് ലഭിക്കുന്ന കമന്റുകൾ. ഒല സിഇഒ ഭവിഷ് അഗർവാളും തന്റെ ട്വിറ്റർ പേജിൽ രസകരമായ ഈ വിഡിയോ പങ്കുവച്ചിട്ടുണ്ട്. അടുത്ത വർഷം നവരാത്രിക്കായി സ്‌പെഷ്യൽ മോഡ് ഒരുക്കുമെന്ന് കുറിച്ചാണ് ഭവിഷിന്റെ റീട്വീറ്റ്.

ഈ വാര്‍ത്ത കൂടി വായിക്കൂ 

അമിത വേഗതയില്‍ നിയന്ത്രണം വിട്ട് കാര്‍ കുതിച്ചെത്തി; നിര്‍ത്തിയിട്ട ആംബുലന്‍സിനെയും മൂന്നു കാറുകളെയും ഇടിച്ചു തെറിപ്പിച്ചു; അഞ്ചു മരണം

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ