ന്യൂഡല്ഹി: കൊറോണ വൈറസിന്റെ പുതിയ വകഭേദമായ 'ഒമൈക്രോണ്' ഭീഷണി നിലനില്ക്കുന്ന സാഹചര്യത്തില് അന്താരാഷ്ട്ര വിമാനയാത്രക്കാര്ക്കുള്ള കേന്ദ്രസര്ക്കാരിന്റെ പുതുക്കിയ മാര്ഗനിര്ദേശങ്ങള് പ്രാബല്യത്തില്.
വിദേശരാജ്യങ്ങളില്നിന്ന് ഇന്ത്യയിലെത്തുന്നവര് യാത്രപുറപ്പെടുന്നതിന് 14 ദിവസം മുമ്പുവരെ നടത്തിയ സഞ്ചാരത്തിന്റെ ചരിത്രം എയര് സുവിധ പോര്ട്ടലില് കയറി സ്വയം സാക്ഷ്യപ്പെടുത്തണം. കൂടാതെ, ആര്ടിപിസിആര്. പരിശോധനാ ഫലവും അപ്ലോഡ് ചെയ്യണം. യാത്രയ്ക്ക് 72 മണിക്കൂറിനുള്ളില് നടത്തിയ പരിശോധനയുടെ ഫലമാണ് വേണ്ടത്.
ഹൈറിസ്ക് രാജ്യങ്ങളില്നിന്നുള്ളവര്ക്ക് കടുത്ത നിയന്ത്രണം
ഹൈ റിസ്ക് വിഭാഗത്തില്പ്പെടുത്തിയിരിക്കുന്ന പത്തു രാജ്യങ്ങളില്നിന്ന് വരുന്നവര്ക്ക് പരിശോധനയും പ്രത്യേക നിരീക്ഷണവുമുണ്ട്. ഇന്ത്യയില് വിമാനമിറങ്ങിയശേഷം ഇവര് കോവിഡ് പരിശോധനയ്ക്കു വിധേയരാകണം. പരിശോധനാഫലം പോസിറ്റീവാണെങ്കില് ആശുപത്രികളിലേക്ക് മാറ്റും. നെഗറ്റീവാണെങ്കില് ഏഴുദിവസം വീട്ടില് ക്വാറന്റീനില് കഴിയണം. എട്ടാംദിവസം വീണ്ടും കോവിഡ് പരിശോധിക്കണം. പോസിറ്റിവ് ആയവരുടെ ഫലം ജീനോം സീക്വന്സിങ് നടത്തും.
'അറ്റ് റിസ്ക്' രാജ്യങ്ങള് അല്ലാത്തവയില്നിന്നു വരുന്നവര് 14 ദിവസം വീട്ടില് സ്വയം നിരീക്ഷണത്തില് കഴിഞ്ഞാല്മതി.
യൂറോപ്യന് യൂണിയന്, ബോട്സ്വാന, ദക്ഷിണാഫ്രിക്ക, ഹോങ്കോങ്, ബ്രസീല്, ചൈന, മൗറീഷ്യസ്, ന്യൂസീലന്ഡ്, സിംബാംബ്വെ, സിങ്കപ്പൂര്, ഇസ്രയേല്, ഇംഗ്ലണ്ട് തുടങ്ങിയവയാണ് അതിജാഗ്രതാ പട്ടികയിലുള്ളത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates