ശ്രീനഗര്‍: ജമ്മു കശ്മീരിലെ പഹല്‍ഗാമില്‍ വിനോദ സഞ്ചാരികള്‍ക്ക് നേരെ ഭീകരാക്രമണം. ഏഴുപേര്‍ക്ക് പരിക്കേറ്റു. പ്രദേശം സുരക്ഷാസേന വളഞ്ഞു. ഒളിച്ചിരിക്കുന്ന ഭീകര്‍ക്കായുള്ള പരിശോധന തുടരുകയാണ്.

ട്രക്കിങിന് പോയ വിനോദസഞ്ചാരികള്‍ക്ക് നേരെ ഭീകരര്‍ വെടിയുതിര്‍ക്കുകയായിരുന്നുവെന്നാണ് റിപ്പോര്‍ട്ടുകള്‍ 'എന്റെ ഭര്‍ത്താവിന്റെ തലയിലാണ് വെടിയേറ്റത്. ഏഴുപേര്‍ക്ക് പരിക്കേറ്റു'- അപകടത്തില്‍ രക്ഷപ്പെട്ട സ്ത്രീ പിടിഐയോട് പറഞ്ഞു. പരിക്കേറ്റവരെ ആശുപത്രിയിലേക്ക് മാറ്റിയിട്ടുണ്ട്.

പരിശീലന വിമാനം തകര്‍ന്നുവീണു; ഗുജറാത്തില്‍ പൈലറ്റ് മരിച്ചു

മൂന്നുമണിയോടെയാണ് ഭീകരാക്രമണം ഉണ്ടായത്. രണ്ടുപേര്‍ക്ക് വെടിയേറ്റതായാണ് റിപ്പോര്‍ട്ട്. അതില്‍ ഒരാളുടെ നില ഗുരുതരമാണ്. വിനോദസഞ്ചാരികളെ വെടിവച്ച ശേഷം ഭീകരര്‍ കടന്നുകളയുകയായിരുന്നു.