ഡെറാഡുണ്‍: ഉത്തരാഖണ്ഡിലെ ചമ്പാവത് മണ്ഡലത്തില്‍ നടന്ന ഉപതെരഞ്ഞെടുപ്പില്‍ മുഖ്യമന്ത്രി പുഷ്‌കര്‍ സിങ് ധാമിക്കു വമ്പന്‍ വിജയം. കോണ്‍ഗ്രസിലെ നിര്‍മല ഗഹ്‌തോരിയെ 55,000ലേറെ വോട്ടിനാണ് ധാമി തോല്‍പ്പിച്ചത്. 

58,258 വോട്ടാണ് ധാമി നേടിയത്. എതിരാളിയായ കോണ്‍ഗ്രസിന്റെ നിര്‍മല ഗഹ്‌തോരിക്കു 3233 വോട്ടു മാത്രമേ നേടാനായുള്ളു. ഗഹ്‌തോരിക്കു കെട്ടിവച്ച കാശു പോടി. 55,025 വോട്ടിന്റെ ഭൂരിപക്ഷമാണ് ധാമിക്കു ലഭിച്ചത്.

ഉപതെരഞ്ഞെടുപ്പില്‍ ഒരു മുഖ്യമന്ത്രിക്കു കിട്ടുന്ന വലിയ ഭൂരിപക്ഷമാണ് ധാമിയുടേത്. കോണ്‍ഗ്രസ് ടിക്കറ്റില്‍ മത്സരിച്ച വിജയ് ബഹുഗുണ 2012ല്‍ നേടിയ 40,000 വോട്ടിന്റെ ഭൂരിപക്ഷമാണ് ധാമി മറികടന്നത്. 

ഫെബ്രുവരിയില്‍ നടന്ന നിയമസഭാ തെരഞ്ഞെടുപ്പില്‍ ഖാതിമയില്‍ മത്സരിച്ച ധാമി പരാജയപ്പെടുകയായിരുന്നു. തെരഞ്ഞെടുപ്പില്‍ തോറ്റെങ്കിലും മുഖ്യമന്ത്രിയായി സ്ഥാനമേറ്റ ധാമിക്കു പദവിയില്‍ തുടരണമെങ്കില്‍ ആറു മാസത്തിനകം നിയമസഭാംഗമാവണം.

ഈ വാര്‍ത്ത കൂടി വായിക്കൂ

ഒരു കിലോമീറ്റർ ബഫർ സോൺ; വന്യജീവി സങ്കേതങ്ങളോടും ദേശീയ ഉദ്യാനങ്ങളോടും ചേർന്ന് ഖനനവും ഫാക്ടറികളും വേണ്ട: സുപ്രീം കോടതി 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ