ന്യൂഡല്‍ഹി: കേന്ദ്ര ആഭ്യന്തരമന്ത്രി അമിത് ഷാക്കെതിരെ അപകീര്‍ത്തികരമായ പരാമര്‍ശം നടത്തിയെന്ന 2018 ലെ മാനനഷ്ട കേസില്‍ കോണ്‍ഗ്രസ് നേതാവ് രാഹുല്‍ ഗാന്ധിക്ക് ജാമ്യം. ഉത്തര്‍ പ്രദേശിലെ സുല്‍ത്താന്‍പൂര്‍ കോടതിയാണ് രാഹുലിന് ജാമ്യം അനുവദിച്ചത്.

2018ല്‍ ബിജെപി നേതാവ് വിജയ് മിശ്രയാണ് രാഹുല്‍ ഗാന്ധിക്കെതിരെ മാനനഷ്ട കേസ് ഫയല്‍ ചെയ്തത്. നേരത്തെ, കേസുമായി ബന്ധപ്പെട്ട് ഹാജരാകാന്‍ രാഹുലിന് സിവില്‍ കോടതി സമന്‍സ് അയച്ചിരുന്നെങ്കിലും ഹാജരായിരുന്നില്ല.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

അമേഠിയിലെ ഭാരത് ജോഡോ ന്യായ് യാത്ര താത്കാലികമായി നിര്‍ത്തിവച്ച ശേഷമാണ് രാഹുല്‍ ഗാന്ധി ഇന്ന് കോടതിയില്‍ ഹാജയരായത്. 2018 നിയമസഭാ തെരഞ്ഞെടുപ്പിനിടെ ബെംഗളൂരുവില്‍ നടന്ന സമ്മേളനത്തില്‍ അമിത് ഷാ കൊലപാതകിയാണെന്ന് രാഹുല്‍ ഗാന്ധി ആരോപിച്ചിരുന്നു. ഇതെ തുടര്‍ന്നാണ് അന്ന് ബിജെപിയുടെ വൈസ് പ്രസിഡന്റായിരുന്ന വിജയ് മിശ്ര കോടതിയെ സമീപിച്ചത്.