തമിഴ്‌നാട്ടില്‍ ലൂണ ഒരു പതിവ് കാഴ്ചയാണ്. ടാങ്കില്‍ ഒരു തുള്ളി പെട്രോള്‍ ഉണ്ടെങ്കില്‍ എത്രദൂരം വേണമെങ്കിലും ഓടിക്കോളും എന്ന വിചാരമാണ് ലൂണയെ ജനപ്രിയമാക്കിയത്. ലൂണയുടെ പുറത്ത് എന്തും കയറ്റി കൊണ്ടുപോകാന്‍ അവിടത്തെ ആളുകള്‍ക്ക് ഒരുമടിയുമില്ല. ഒരു കുടുംബ വരെ ലൂണയില്‍ കയറിപ്പോകുന്നത് അവിടത്തെ പതിവ് കാഴ്ചയാണ്.

ഇതിന് സമാനമായ ഒരു ദൃശ്യമാണ് ഇപ്പോള്‍ സോഷ്യല്‍മീഡിയ കീഴടക്കുന്നത്. ഒരു വലിയ അലമാര പിന്നില്‍ വച്ച് അതിസാഹസികമായി എം80 ഓടിച്ച് പോകുന്ന യാത്രക്കാരന്റെ ദൃശ്യങ്ങളാണ് വൈറലാകുന്നത്. ആനന്ദ് മഹീന്ദ്രയാണ് എക്‌സില്‍ വീഡിയോ പങ്കുവെച്ചത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

എം80 സ്‌കൂട്ടറിന് മുകളില്‍ കൂറ്റന്‍ അലമാര വെയ്ക്കുന്നതാണ് വീഡിയോയുടെ തുടക്കത്തില്‍. തുടര്‍ന്ന് അലമാരയുമായി ഒറ്റക്കൈ കൊണ്ട് അതിവിദഗ്ധമായി സ്‌കൂട്ടര്‍ ഓടിച്ചു പോകുന്നതാണ് വീഡിയോയുടെ അടുത്ത ഘട്ടത്തില്‍. ഒരു കൂസലുമില്ലാതെ ആത്മവിശ്വാസത്തോടെ സ്‌കൂട്ടര്‍ ഓടിച്ചുപോകുന്ന ദൃശ്യങ്ങള്‍ ആരു കണ്ടാലും ഞെട്ടിയില്ലെങ്കിലേ അത്ഭുതമുള്ളൂ. ഭക്ഷണവും പലചരക്കും മുന്‍കൂട്ടി നിശ്ചയിച്ച സ്ഥലത്ത് എത്തിക്കുന്നത് പോലെ സര്‍വീസ് ആയാണ് അലമാരയുമായി യാത്രക്കാരന്റെ സാഹസിക യാത്ര.