ജോദ്പൂര്‍:  വിവാഹിതയായ യുവതിയോട് തന്നെ ഒറ്റക്ക് അഞ്ച് മിനിറ്റ്കാണണമെന്ന് ഓഡിയോ ക്ലിപ്പ് അയച്ച എസ്എച്ച്ഒയ്ക്ക് സസ്‌പെന്‍ഷന്‍. ജസ്വന്ത്പുര പൊലീസ് സ്റ്റേഷനിലെ എസ്എച്ച്ഒ സബീര്‍ മുഹമ്മദിനെയാണ് സസ്‌പെന്റ് ചെയ്തത്. എസ്എച്ചഒയും യുവതിയും തമ്മിലുള്ള ഓഡിയോ ക്ലിപ്പ് സമൂഹമാധ്യമങ്ങളില്‍ വൈറലായിരുന്നു. ഇതിന് പിന്നാലെയാണ് നടപടി.

ഓഡിയോ ക്ലിപ്പിലെ പരാമര്‍ശങ്ങള്‍ ഗുരുതരമേറിയതാണ്. അതിനാല്‍ വകുപ്പ് തല അന്വേഷണത്തിന് ഉത്തരവിട്ടതായി പൊലീസ് സൂപ്രണ്ട്് മാധ്യമങ്ങളോട് പറഞ്ഞു. മകനൊപ്പം മാര്‍ക്കറ്റില്‍ പച്ചക്കറി വാങ്ങാനെത്തിയപ്പോഴായിരുന്നു എസ്എച്ച്ഒ യുവതിയെ വിളിച്ചത്. നിര്‍മ്മാണത്തിലിരിക്കന്ന വീടിന് അയച്ച മണല്‍ ലഭിച്ചിരുന്നോ എന്നും എസ്എച്ച്ഒ ചോദിക്കുന്നു. എന്തിനാണ് ഇത് അയച്ചതെന്ന് യുവതി തിരികെ ചോദിക്കുന്നു. താനാണ് കാര്യങ്ങളെല്ലാം ചെയ്തതെന്ന് തോന്നിപ്പിക്കുന്ന രീതിയിലിയിരുന്നു എസ്എച്ച്ഒയുടെ സംസാരം. തന്നെ വിളിക്കുന്ന കാര്യം ഭര്‍ത്താവ് അറിയുമോ എന്ന് ചോദിച്ചപ്പോള്‍ അതിനെല്ലാം നെഗറ്റീവ് ആയ രീതിയിലാണ് യുവതി മറുപടി നല്‍കുന്നത്. 

നീയെന്നെ വല്ലാതെ ഭ്രാന്ത്പിടിപ്പിക്കുന്നു. അഞ്ച് മിനിറ്റ് നിന്റെ വീട്ടില്‍ നിന്നെ ഒറ്റക്ക് കാണാന്‍ ആഗ്രഹിക്കുന്നുവെന്നും ഏറെ സംസാരിക്കാനുണ്ടെന്നും എസ്എച്ച്ഒ യുവതിയോട് പറയുന്നു. താന്‍ മകനൊപ്പം മാര്‍ക്കറ്റില്‍ പച്ചക്കറി വാങ്ങാനെത്തിയതാണെന്ന് യുവതി പറഞ്ഞിട്ടും എനിക്ക് തന്നെ ഒറ്റക്ക് കാണണമെന്ന് എസ്എച്ച്ഒ യുവതിയോട് ആവര്‍ത്തിച്ചു പറയുന്നു.