സേലം; പാമ്പു കടിയേറ്റതിനെ തുടർന്നാണ് രാജ ആശുപത്രിയിൽ ചികിത്സതേടുന്നത്. എന്നാൽ രാജയ്ക്കൊപ്പം മറ്റൊരാൾ കൂടിയുണ്ടായിരുന്നു. നാലടി നീളമുള്ള വിഷപ്പാമ്പ്. തന്നെ കടിച്ച പാമ്പുമായാണ് മല്ലൂർ സ്വദേശിയായ കർഷകൻ രാജ നാമക്കൽ രാശിപുരം സർക്കാർ ആശുപത്രിയിൽ ചികിത്സയ്ക്കെത്തിയത്. 

കൃഷിയിടത്തിൽവെച്ചാണ് രാജയുടെ കാലിൽ പാമ്പ് കടിക്കുന്നത്. ഉടനെ പാമ്പിനെ പിടികൂടി പ്ലാസ്റ്റിക് കുപ്പിയിലാക്കി രാജ ആശുപത്രിയിൽ ചികിത്സ തേടുകയായിരുന്നു. രാജായ്ക്ക് ചികിത്സ നൽകി അയച്ചു. പാമ്പിനെ വനത്തിൽ വിടുകയുംചെയ്തു.