സൂറത്ത്‌: യുവാവ് കാമുകിയെ ബലാത്സംഗം ചെയ്ത ശേഷം സ്വകാര്യഭാഗത്ത് മുളക് പൊടി വിതറിയ സംഭവത്തില്‍ യുവാവിനെതിരെ പൊലീസ് കേസ് എടത്തു. സാരമായി പരിക്കേറ്റ യുവതിയെ ആശുപത്രിയില്‍ പ്രവേശിപ്പിച്ചതായി പൊലീസ് പറഞ്ഞു. ഗുജറാത്തിലെ സൂറത്തിലാണ് സംഭവം. 

നികുഞ്ച് കുമാര്‍ അമൃത് ഭായ് പട്ടേല്‍ എന്നയാളാണ് കേസിലെ പ്രതി. ഇയാള്‍ വിവാഹിതനാണെന്ന കാര്യം മറച്ചുവച്ചായിരുന്നു യുവതിയുമായി സൗഹൃദത്തിലായത്. യുവതി ഇക്കാര്യം അറിഞ്ഞതോടെ ഇരുവരും തമ്മില്‍ വഴക്കിടുകയും പട്ടേലുമായുള്ള ബന്ധം അവസാനിപ്പിക്കാന്‍ തീരുമാനിക്കുകയും ചെയ്തു.

യുവതിയുടെ തീരുമാനത്തില്‍ രോഷാകുലനായ പ്രതി കാമുകിയെ കേബിള്‍ കൊണ്ട് അടിക്കുകയും ബലാത്സംഗം ചെയ്യുകയുമായിരുന്നു. അതിനുശേഷം അവളുടെ സ്വകാര്യ ഭാഗങ്ങളില്‍ മുളക് പൊടി വിതറുകയും ചെയ്തു. യുവതിയുടെ ദൃശ്യങ്ങള്‍ സാമൂഹികമാധ്യമങ്ങളില്‍ പങ്കുവയ്ക്കുമെന്ന് ഭീഷണിപ്പെടുത്തുകയും ചെയ്തു. സാരമായി പരിക്കേറ്റ യുവതി ആശുപത്രിയില്‍ ചികിത്സതേടി. യുവതിയുടെ പരാതിയില്‍ പൊലീസ് കേസ് എടുത്ത് അന്വേഷണം ആരംഭിച്ചു. 

ഈ വാര്‍ത്ത കൂടി വായിക്കൂ  'തിരുത്താന്‍ അവസരം നല്‍കിയിട്ടും ചെയ്തില്ല; ഞങ്ങള്‍ക്ക് ഉത്തരവ് സ്റ്റേ ചെയ്യേണ്ടിവരും'; മണിപ്പൂര്‍ ഹൈക്കോടതിക്ക് എതിരെ സുപ്രീംകോടതിയുടെ രൂക്ഷ വിമര്‍ശനം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ