ചെന്നൈ: തമിഴ്നാട് മുഖ്യമന്ത്രിയായി സ്ഥാനമേറ്റ് ഒരു വർഷം പൂർത്തിയായതിന് പിന്നാലെ സാധാരണക്കാർക്കൊപ്പം സർക്കാർ ബസിൽ യാത്ര ചെയ്ത് എംകെ സ്റ്റാലിൻ. ജനങ്ങളോട് വിശേഷങ്ങളും വിവരങ്ങളും തിരക്കിയായിരുന്നു അദ്ദേഹത്തിന്റെ യാത്ര . ചെന്നൈയിലെ രാധാകൃഷ്ണൻ ശാലൈ റോഡിലൂടെയാണ് സ്റ്റാലിൻ ബസിൽ സ‍ഞ്ചരിച്ചത്.

സ്ത്രീ യാത്രക്കാർക്ക് ടിക്കറ്റ് സൗജന്യമാക്കിയതുമായി ബന്ധപ്പെട്ട കാര്യങ്ങൾ മുഖ്യമന്ത്രി ബസിലെ സ്ത്രീ യാത്രക്കാരുമായി പങ്കുവച്ചു. തെരഞ്ഞെടുപ്പ് പ്രചാരണ സമയത്തെ പ്രധാന വാഗ്ദാനമായിരുന്നു സ്ത്രീകൾക്ക് സൗജന്യ യാത്ര. എല്ലാ സർക്കാർ സ്കൂളുകളിലും വിദ്യാർത്ഥികൾക്ക് പ്രഭാത ഭക്ഷണം സൗജന്യമായി നൽകുന്നതുൾപ്പെടെ ഒന്നാം വാർഷികത്തോടനുബന്ധിച്ച് നിരവധി പ്രഖ്യാപനങ്ങൾ സ്റ്റാലിൻ നടത്തിയിരുന്നു.

ഡിഎംകെ സ്ഥാപകൻ സിഎൻ അണ്ണാദുരൈ, മുൻ മുഖ്യമന്ത്രിയും പിതാവുമായ എം കരുണാനിധി എന്നിവരുടെ ശവകുടീരവും അദ്ദേഹം സന്ദർശിച്ചു. എഐഎഡിഎംകെയുടെ പത്ത് വർഷത്തെ ഭരണത്തിനു ശേഷം 2021ലാണ് സ്റ്റാലിൻ മുഖ്യമന്ത്രിയായി അധികാരമേറ്റത്. 

ഈ വാര്‍ത്ത കൂടി വായിക്കാം

നീറ്റ് പിജി പരീക്ഷ മാറ്റി

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ