ജയ്പൂര്‍: മറ്റുള്ള ജീവികളെ പോലെ എളുപ്പം കണ്ടെത്താന്‍ കഴിയുന്ന മൃഗമല്ല കടുവ. ഇപ്പോള്‍ രാജസ്ഥാനിലെ രന്തംബോര്‍ നാഷണല്‍ പാര്‍ക്കില്‍ സഫാരിക്കിടെ വിനോദസഞ്ചാരികളുടെ ക്യാമറയില്‍ പതിഞ്ഞ കടുവയുടെ ദൃശ്യങ്ങളാണ് വൈറലാകുന്നത്.

സഫാരി ജീപ്പുകളില്‍ യാത്ര ചെയ്തിരുന്ന വിനോദസഞ്ചാരികള്‍ ക്യാമറയില്‍ വനഭംഗി പകര്‍ത്തുന്നതിനിടെയാണ് കടുവ പാഞ്ഞെത്തിയത്. സഫാരി ജീപ്പുകള്‍ക്ക് അരികിലൂടെ പോകുകയായിരുന്ന പശുവിനെ ലക്ഷ്യമിട്ടാണ് കടുവ എത്തിയത്. കുറ്റിക്കാടിനുള്ളില്‍ നിന്ന് പാഞ്ഞെത്തിയ കടുവ പശുവിനെ പിടികൂടുന്നതാണ് വീഡിയോയിലുള്ളത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

കടുവയുടെ ആക്രമണത്തില്‍ നിന്ന് രക്ഷപ്പെടാന്‍ പശു ഒരുപാട് ശ്രമിച്ചു. പശുവിന് പിന്നീട് എന്തുസംഭവിച്ചു എന്ന കാര്യം വ്യക്തമല്ല. ഇത് കണ്ട വിനോദസഞ്ചാരികള്‍ അമ്പരന്ന് നില്‍ക്കുന്നതും വീഡിയോയില്‍ വ്യക്തമാണ്. ഈ ദൃശ്യങ്ങള്‍ രന്തംബോര്‍ നാഷണല്‍ പാര്‍ക്കും സോഷ്യല്‍മീഡിയയില്‍ പങ്കുവെച്ചിട്ടുണ്ട്.