ഭുവനേശ്വര്‍: കേന്ദ്രമന്ത്രി  പ്രതാപ് സാരംഗിക്ക് വാഹനാപകടത്തില്‍ പരിക്ക്. ബാലസോറിലെ നീലഗിരി എന്ന സ്ഥലത്തുവച്ചായിരുന്നു അപകടം. ഒരു പരിപാടിയില്‍ സംബന്ധിക്കാന്‍ പോകുന്നതിനിടെയാണ് അപകടം.

നിയന്ത്രണം വിട്ട ട്രാക്ടര്‍ മന്ത്രി സഞ്ചരിച്ച കാറില്‍ വന്ന് ഇടിക്കുകയായിരുന്നു. മന്ത്രിയുടെ പരിക്ക് ഗുരുതരമല്ലെന്നാണ് റിപ്പോര്‍ട്ടുുകള്‍. ഉച്ചയ്ക്ക് ശേഷമാണ് അപകടമുണ്ടായത്. കാറില്‍ മന്ത്രിയെ കൂടാതെ മറ്റ് മൂന്ന് പേര്‍ കൂടിയുണ്ടായിരുന്നു.

അപകടത്തിന് പിന്നാലെ ഉടന്‍ തന്നെ മന്ത്രിയെ സമീപത്തെ സര്‍ക്കാര്‍ ആശുപത്രിയിലെത്തിച്ച് പ്രാഥമിക ശുശ്രൂഷകള്‍ നല്‍കി.