ന്യൂഡൽഹി: ഇന്ധന വില വർധനവിൽ പുതിയ വിചിത്ര ന്യായീകരണവുമായി കേന്ദ്ര പെട്രോളിയം സഹമന്ത്രി. ഡീസലിനും പെട്രോളിനുമെല്ലാം വില കൂട്ടുന്നത് സൗജന്യ വാക്​സിൻ നൽകാനാണെന്നാണ് മന്ത്രി രാമേശ്വർ തെളിയുടെ വാക്കുകൾ. 

''ഇന്ധനവില വർധിച്ചിട്ടില്ല, നികുതി ഏർപ്പെടുത്തുന്നതാണ്​ കൂട്ടിയത്​. എല്ലാവർക്കും സൗജന്യ വാക്​സിൻ എടുക്കണ്ടേ? അതിനുള്ള പണം എവിടെ നിന്നും ലഭിക്കും. നിങ്ങൾ പണമടക്കുന്നില്ലല്ലോ? ഇങ്ങനൊക്കെയാണ്​ പണം വരുന്നത്​''. ഹിമാലയത്തിലെ ജലത്തിന്​ ലിറ്ററിന്​ 100 രൂപയുണ്ടെന്നും ഇന്ധനത്തേക്കാൾ വില വെള്ളത്തിനാണെന്നും രാമേശ്വർ തെളി പറഞ്ഞു. 

''രാജ്യത്തെ 130 കോടി ജനങ്ങളേയും വാക്​സിനേറ്റ്​ ചെയ്യുന്നത്​ സൗജന്യമായാണ്​. ഓരോ വ്യക്തിക്കും വാക്​സിനേറ്റ്​ ചെയ്യാൻ 1,200 രൂപയാകും. 35,000 കോടി രൂപയാണ്​ ഇതിനായി വിലയിരുത്തിയിരിക്കുന്നത്'', മന്ത്രി ചൂണ്ടിക്കാട്ടി. ​