ന്യൂഡല്‍ഹി: ഉത്തര്‍പ്രദേശ് മാധ്യമിക് ശിക്ഷാ പരിഷത്ത് 12-ാം ക്ലാസ് ഇംഗ്ലീഷ് പരീക്ഷ റദ്ദാക്കി. ചോദ്യ പേപ്പര്‍ ചോര്‍ന്നതിനെത്തുടര്‍ന്നാണ് 24 ജില്ലകളില്‍ പരീക്ഷ റദ്ദാക്കാന്‍ തീരുമാനിച്ചത്. ഇന്ന് ഉച്ചകഴിഞ്ഞ് നടത്താന്‍ നിശ്ചയിച്ചിരുന്ന പരീക്ഷയാണ് ഉപേക്ഷിച്ചത്.

ഇംഗ്ലീഷ് പേപ്പര്‍ സീരീസ് 316ഇഡി, 316ഇഐ എന്നീ പരീക്ഷകള്‍ ചോദ്യ പേപ്പര്‍ ചോര്‍ന്നതിനാല്‍ റദ്ദാക്കിയെന്ന് ഉത്തര്‍പ്രദേശ് ബോര്‍ഡ് അറിയിച്ചു. ബല്ലിയ ജില്ലയിലാണ് ചോദ്യപേപ്പര്‍ പുറത്തായത്. പരീക്ഷ റദ്ദാക്കിയ 24 ജില്ലകളിലും ഈ വിഷയത്തിന്റെ പുതിയ പരീക്ഷാതിയതി പിന്നീട് അറിയിക്കുമെന്ന് അധികൃതര്‍ അറിയിച്ചു.