ലഖ്നൗ: ഉത്തർപ്രദേശ് നിയമസഭ തെരഞ്ഞെടുപ്പിന്റെ അവസാനഘട്ട വോട്ടെടുപ്പ് ഇന്ന് നടക്കും. ഏഴ് ഘട്ടമായി നടന്ന തെരഞ്ഞെടുപ്പിൽ പ്രധാനമന്ത്രി നരേന്ദ്ര മോദിയുടെ ലോക്സഭാ മണ്ഡലമായ വാരാണസി ഉൾപ്പടെ 54 നിയമസഭ സീറ്റുകളിലാണ് ഇന്ന് വോട്ടെടുപ്പ്. 613 സ്ഥാനാർഥികളാണ് മത്സരരം​ഗത്തുള്ളത്. 2.06 കോടി വോട്ടർമാരാണുള്ളത്.

അഖിലേഷ് യാദവിന്റെ അസംഗഡും ഇന്ന് വിധിയെഴുതും. മന്ത്രിമാരായ നീലകണ്ഠ് തിവാരി, അനിൽ രാജ്ഭർ, രവീന്ദ്ര ജയ്സ്വാൾ, ​ഗിരീഷ് യാദവ്, രാമശങ്കർ സിങ് പട്ടേൽ എന്നിവരാണ് ഇന്ന് മത്സരിക്കുന്ന പ്രമുഖർ. ബിജെപിയും സമാജ്‌വാദി പാർട്ടിയും രൂപവത്കരിച്ച സഖ്യങ്ങളുടെ പരീക്ഷണം കൂടിയാണ് അവസാന വട്ട പോളിങ്. മാർച്ച് 10 വ്യാഴാഴ്ചയാണ് വോട്ടെണ്ണൽ.