മുംബൈ: മുംബൈയിലെ വെര്‍സോവ-ബാന്ദ്ര സീ ലിങ്കിന് വീര്‍ സവര്‍ക്കര്‍ സേതു എന്ന് പേരിടാന്‍ മഹാരാഷ്ട്ര മന്ത്രിസഭയുടെ തീരുമാനം. പണി പൂര്‍ത്തിയാകുന്ന മുംബൈ ട്രാന്‍സ് ഹാര്‍ബര്‍ ലിങ്കിന് അടല്‍ ബിഹാരി വാജ്‌പെയ് സ്മൃതി നവ സേതു അടല്‍ സേതു എന്ന പേര് നല്‍കാനും തീരുമാനമായി. വെര്‍സോവ- ബാന്ദ്ര സീ ലിങ്കിന് സവര്‍ക്കറുടെ പേര് നല്‍കുമെന്ന് മുഖ്യമന്ത്രി ഏക്‌നാഥ് ഷിന്‍ഡെ നേരത്തെ പ്രഖ്യാപിച്ചിരുന്നു.
രാജ്യത്തെ രണ്ട് മഹത്തായ നേതാക്കളുടെ പേരുകള്‍ പാലങ്ങള്‍ക്ക് നല്‍കിയതില്‍ വിവാദമുണ്ടാകരുതെന്ന് മഹാരാഷ്ട്ര മന്ത്രിയും ബിജെപി നേതാവുമായ സുധീര്‍ മുംന്‍ഗംദിവാര്‍ പറഞ്ഞു.
നേരത്തെ, സവര്‍ക്കറിന് എതിരായ കോണ്‍ഗ്രസ് നേതാവ് രാഹുല്‍ ഗാന്ധിയുടെ പരാമര്‍ശത്തില്‍ പ്രതിഷേധിച്ച് മുഖ്യമന്ത്രി ഏക്‌നാഥ് ഷിന്‍ഡെയുടെ നേതൃത്വത്തില്‍ സംസ്ഥാന വ്യാപകമായി സവര്‍ക്കര്‍ റാലികള്‍ നടത്തിയിരുന്നു. ശിവസേന ഷിന്‍ഡെ വിഭാഗത്തിന്റെയും ബിജെപിയുടേയും വിമര്‍ശനം കടുത്ത സാഹചര്യത്തില്‍ ഉദ്ദവ് താക്കറെയും എന്‍സിപിയും രാഹുലിന്റെ നിലപാട് തള്ളി രംഗത്തുവന്നിരുന്നു.
ഈ വാര്‍ത്ത കൂടി വായിക്കൂ ബലി നല്‍കാനായി ആടുകളെ വീട്ടിലെത്തിച്ചു; ഹനുമാന്‍ ചാലിസ ചൊല്ലി പ്രതിഷേധവുമായി മറ്റ് താമസക്കാര്‍; വീഡിയോ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates