ചെന്നൈ: നീറ്റ് പരീക്ഷയ്ക്ക് എതിരെ ഒരുമിച്ചു നില്ക്കാന് ആവശ്യപ്പെട്ട് മുഖ്യമന്ത്രിമാര്ക്ക് കത്തെഴുതി തമിഴ്നാട് മുഖ്യമന്ത്രി എം കെ സ്റ്റാലിന്. ബിജെപി ഇതര മുഖ്യമന്ത്രിമാര്ക്കൊപ്പം ഗോവ മുഖ്യമന്ത്രിക്കും സ്റ്റാലിന് കത്തെഴുതിയിട്ടുണ്ട്. ഭരണഘടന വിഭാവനം ചെയ്തതുപോലെ വിദ്യാഭ്യാസ മേഖലയെ നിയന്ത്രിക്കുന്നതില് സംസ്ഥാന സര്ക്കാരുകളുടെ പ്രാമുഖ്യം പുനസ്ഥാപിക്കാന് ഒരുമിക്കണമെന്നാണ് കത്തില് ആവശ്യപ്പെട്ടിരിക്കുന്നത്.
കേരളം, ആന്ധ്രാപ്രദേശ്, ഛത്തീസഗഢ്,ഡല്ഹി, ജാര്ഖണ്ഡ്, മഹാരാഷ്ട്ര, ഒഡീഷ,പഞ്ചാബ്, രാജസ്ഥാന്, തെലങ്കാന, പശ്ചിമ ബംഗാള്,ഗോവ മുഖ്യമന്ത്രിമാര്ക്കാണ് കത്തെഴുതിയിരിക്കുന്നത്.
നീറ്റ് പരീക്ഷയെ തുടര്ന്നുണ്ടാകുന്ന സമ്മര്ദ്ദങ്ങള് അതിജീവിക്കാന് കഴിയാതെ, തമിഴ്നാട്ടില് വിദ്യാര്ത്ഥികള് ആത്മഹത്യ ചെയ്യുന്നത് തുടര്ക്കഥയായ സാഹചര്യത്തിലാണ് സ്റ്റാലിന്റെ നീക്കം. നീറ്റിന്റെ പ്രത്യാഘാതങ്ങളെ കുറിച്ചുള്ള ജസ്റ്റിസ് എ കെ രാജന് കമ്മിറ്റി റിപ്പോര്ട്ടും കത്തിനൊപ്പം ചേര്ത്തിട്ടുണ്ട്. നീറ്റ് പരീക്ഷയുടെ പരിശീലന ക്ലാസുകള്ക്കുള്ള ഭാരിച്ച ചിലവും സിലബസിലെ വ്യത്യാസവുമെല്ലാം പാവപ്പെട്ട വിദ്യാര്ത്ഥികള്ക്ക് വലിയ പ്രതിസന്ധിയാണെന്ന് സര്ക്കാര് നിയോഗിച്ച ജസ്റ്റിസ് രാജന് കമ്മിറ്റി കണ്ടെത്തിയിരുന്നു.നീറ്റ് മാനദണ്ഡം ഒഴിവാക്കി പ്ലസ് ടു മാര്ക്കിന്റെ അടിസ്ഥാനത്തില് മെഡിക്കല് പ്രവേശനം സാധ്യമാക്കുന്ന ബില് കഴിഞ്ഞ ദിവസം തമിഴ്നാട് നിയമസഭ പാസാക്കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates