ശ്രീനഗര് : കശ്മീരില് വന് ആയുധശേഖരം പിടികൂടി. ഗ്രനേഡുകള്, പിസ്റ്റല്, സ്ഫോടക വസ്തുക്കള് എന്നിവയാണ് ജമ്മുവില് സുരക്ഷാസേന പിടികൂടിയത്. ട്രക്കില് കടത്തുകയായിരുന്നു ആയുധശേഖരമെന്ന് ജമ്മു പൊലീസ് അറിയിച്ചു.
കശ്മീര് അതിര്ത്തിയില് ഡ്രോണ് വഴിയാണ് ആയുധങ്ങള് ഇന്ത്യയിലേക്ക് എത്തിക്കുന്നതെന്ന് ചോദ്യം ചെയ്യലില് ട്രക്ക് ഡ്രൈവര് വെളിപ്പെടുത്തിയെന്നും ജമ്മു പൊലീസ് പറഞ്ഞു. ഇത്തരത്തില് കടത്തുന്ന ആയുധങ്ങള് ഭീകരര്ക്ക് കൈമാറുകയാണ് ചെയ്യുന്നത്.
കശ്മീര് അതിര്ത്തിയില് നേരത്തെ നിരവധി തവണ സംശയാസ്പദ സാഹചര്യത്തില് ഡ്രോണ് കണ്ടെത്തിയിരുന്നു. ഒരു തവണ വ്യോമസേന കേന്ദ്രത്തിലേക്ക് ഡ്രോണ് ആക്രമണവും ഉണ്ടായിരുന്നു. ഇതോടെ അതിര്ത്തിയില് ഡ്രോണിനെതിരെ കര്ശന ജാഗ്രത പുറപ്പെടുവിച്ചിരിക്കുകയാണ്.
കശ്മീരില് കഴിഞ്ഞ് 12 ദിവസത്തിനിടെ 15 ഭീകരരെയാണ് സൈന്യം വെടിവെച്ചു കൊലപ്പെടുത്തിയത്. അനന്ത് നാഗില് ഇന്നലെ നടന്ന ഏറ്റുമുട്ടലില് മൂന്നു ഭീകരരെ കൊലപ്പെടുത്തി.
അതിനിടെ കശ്മീരില് വിവിധ കേന്ദ്രങ്ങളില് ദേശീയ അന്വേഷണ ഏജന്സി റെയ്ഡ് തുടരുകയാണ്. ആറുപേരെ അറസ്റ്റ് ചെയ്തിട്ടുണ്ട്. ഭീകര സംഘടനയായ ഐഎസുമായി ബന്ധംപുലര്ത്തുന്നുവെന്ന് കണ്ടെത്തിയവരാണ് പിടിയിലായത്. ഇതില് ഇസ്ലാമിക് സെമിനാരി ചെയര്മാനും ഉള്പ്പെടുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates