കാട്ടില്‍ വന്യമൃഗങ്ങള്‍ എങ്ങനെയാണ് പ്രതികരിക്കാന്‍ പോകുന്നത് എന്ന് ഒരിക്കലും പ്രവചിക്കാന്‍ സാധിക്കില്ല. അതുകൊണ്ടാണ് വന്യമൃഗങ്ങളുടെ അരികില്‍ പോകരുത് എന്ന് ആവര്‍ത്തിച്ച് മുന്നറിയിപ്പ് നല്‍കുന്നത്. വന്യമൃഗങ്ങളുടെ സൈ്വര്യവിഹാരത്തിന് തടസം സൃഷ്ടിക്കുന്ന തരത്തില്‍ പെരുമാറിയാല്‍ ശക്തമായ നടപടി സ്വീകരിക്കാന്‍ വന്യജീവി സംരക്ഷണ നിയമത്തില്‍ പറയുന്നു. ചിലര്‍ ധൈര്യശാലികളാണ് എന്ന് മറ്റുള്ളവരുടെ മുന്നില്‍ ബോധ്യപ്പെടുത്താന്‍ മൃഗങ്ങളുടെ അരികില്‍ പോകാറുണ്ട്. ചില സമയത്തെങ്കിലും ഇത് അപകടം ക്ഷണിച്ചു വരുത്താറുണ്ട്.

ഇപ്പോള്‍ പാഞ്ഞടുക്കുന്ന കാട്ടാനയുടെ ആക്രമണത്തില്‍ നിന്ന് വാഹനം രക്ഷപ്പെടുന്ന ദൃശ്യങ്ങളാണ് വൈറലാകുന്നത്. കാട്ടാന പാഞ്ഞടുക്കുന്നത് കണ്ട് വാഹനം പിന്നിലോട്ട് ഓടിച്ചാണ് രക്ഷപ്പെടുന്നത്. കുറച്ചുദൂരം കഴിയുമ്പോള്‍ ആന വീണ്ടും കാട്ടിലേക്ക് തന്നെ കയറിപ്പോകുന്നത് വീഡിയോയില്‍ കാണാം.

സുരേന്ദര്‍ മെഹ്‌റ ഐഎഫ്എസാണ് വീഡിയോ പങ്കുവെച്ചത്. വന്യമൃഗങ്ങളില്‍ നിന്ന് സുരക്ഷിത അകലം പാലിക്കണമെന്ന് വീണ്ടും ജാഗ്രതാനിര്‍ദേശം നല്‍കി കൊണ്ടാണ് വീഡിയോ പ്രചരിപ്പിച്ചത്.

ഈ വാര്‍ത്ത കൂടി വായിക്കൂ

രണ്ട് കൂറ്റന്‍ പെരുമ്പാമ്പുകളെ തോളത്ത് വച്ച് യുവാവിന്റെ നൃത്തം- ഞെട്ടിക്കുന്ന വീഡിയോ 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ