ഹൈദരാബാദ്: തെലങ്കാനയിലെ ഹെയര്‍ ക്ലിനിക്കില്‍ വച്ച് സ്ത്രീയുടെ 30ലക്ഷം രൂപയുടെ ഡയമണ്ട് മോതിരം മോഷ്ടിച്ച കേസില്‍ ജീവനക്കാരി അറസ്റ്റില്‍. പൊലീസ് പിടിയിലാകുമെന്ന ഭയത്തില്‍ മോതിരം ടോയ്‌ലെറ്റില്‍ ഉപേക്ഷിച്ചതായി ജീവനക്കാരി മൊഴി നല്‍കി. ഇതിന്റെ അടിസ്ഥാനത്തില്‍ പ്ലംബറുടെ സഹായത്തോടെ പൈപ്പ് ലൈനില്‍ നിന്ന് ഡയമണ്ട് കണ്ടെടുത്തു.
ഹൈദരാബാദിലാണ് സംഭവം. സ്‌കിന്‍ ആന്റ് ഹെയര്‍ ക്ലിനിക്കില്‍ വന്ന സ്ത്രീ തന്റെ മോതിരം നഷ്ടപ്പെട്ടതായി പൊലീസില്‍ നല്‍കിയ പരാതിയില്‍ നടത്തിയ അന്വേഷണത്തിലാണ് ജീവനക്കാരി പിടിയിലായത്. വീട്ടില്‍ എത്തി നോക്കിയപ്പോഴാണ് മോതിരം നഷ്ടപ്പെട്ടതായി തിരിച്ചറിഞ്ഞത്. ഉടന്‍ തന്നെ ക്ലിനിക്കില്‍ വിളിച്ച് അന്വേഷിച്ചു. എന്നാല്‍ അറിയില്ല എന്ന് ക്ലിനിക്കിലെ ജീവനക്കാരി പറഞ്ഞതോടെ സംശയം തോന്നി സ്ത്രീ പൊലീസ് സ്റ്റേഷനില് പരാതി നല്‍കുകയായിരുന്നു.
മുടി നീക്കുന്നതുമായി ബന്ധപ്പെട്ടാണ് സ്ത്രീ ക്ലിനിക്കില്‍ എത്തിയത്. മുടി നീക്കം ചെയ്യുന്നതിനിടെ, 30.69 ലക്ഷം രൂപ വില വരുന്ന ഡയമണ്ട് മോതിരം ബോക്‌സില്‍ ഇടാന്‍ ജീവനക്കാരി നിര്‍ദേശിച്ചു. വീട്ടില്‍ എത്തിയപ്പോഴാണ് മോതിരം എടുക്കാന്‍ മറന്നു എന്ന് തിരിച്ചറിഞ്ഞത്. ഉടന്‍ തന്നെ ക്ലിനിക്കില്‍ വിളിച്ചെങ്കിലും അറിയില്ല എന്നാണ് അവര്‍ മറുപടി നല്‍കിയത്. തുടര്‍ന്ന് പൊലീസ് സ്റ്റേഷനില് പരാതി നല്‍കുകയായിരുന്നുവെന്ന് സ്ത്രീ പറയുന്നു.
ചോദ്യം ചെയ്തപ്പോള്‍ ജീവനക്കാരി കുറ്റസമ്മതം നടത്തിയതായി പൊലീസ് പറയുന്നു. മോതിരം മോഷ്ടിച്ചത് താനാണ് എന്ന് സമ്മതിച്ച ജീവനക്കാരി, പൊലീസ് പിടിയിലാകുമെന്ന് കരുതി ടോയ്‌ലെറ്റില്‍ ഉപേക്ഷിച്ചതായും മൊഴി നല്‍കി. ആദ്യം പഴ്‌സിലാണ് മോതിരം സൂക്ഷിച്ചത്. എന്നാല്‍ പിടിയിലാകുമെന്ന ഭയം വര്‍ധിച്ചതോടെ, ടോയ്‌ലെറ്റില്‍ ഉപേക്ഷിക്കാന്‍ തീരുമാനിക്കുകയായിരുന്നുവെന്നും ജീവനക്കാരി മൊഴി നല്‍കിയതായി പൊലീസ് പറയുന്നു. ക്ലിനിക്കിനോട് ചേര്‍ന്നുള്ള ടോയ്‌ലെറ്റിലാണ് മോതിരം ഉപേക്ഷിച്ചത്. തുടര്‍ന്ന് പ്ലംബറുടെ സഹായത്തോടെ പൈപ്പ് ലൈനില്‍ നിന്നാണ് പൊലീസ് മോതിരം കണ്ടെടുത്തത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates