ന്യൂഡല്‍ഹി: ഇന്ത്യയുടെ 72 ആം സ്വാതന്ത്ര്യദിനാഘോഷത്തിന്റെ ഭാഗമായി ബിജെപി ആസ്ഥാനത്ത് നടന്ന പതാക ഉയര്‍ത്തല്‍ ചടങ്ങായിരുന്നു വൈറലായി മാറി ആ വീഡിയോയുടെ പശ്ചാത്തലം. ബിജെപി ദേശീയ അധ്യക്ഷന്‍ അമിത് ഷാ പതാക ഉയര്‍ത്താനെത്തി. പതാക തലകുത്തനെ നിലത്തേക്ക്. താഴേക്ക് വരുന്ന പതാക കണ്ട് അമിത്ഷാ പിന്നോട്ട് മാറി. നിലത്ത് വീണ പതാക പിന്നീട് ഉയര്‍ത്തി ചിരിച്ചുകൊണ്ട് സല്യൂട്ട് സ്വീകരിക്കുന്ന ദൃശ്യങ്ങളാണ് വൈറലായിരിക്കുന്നത്. 

അമിത് ഷാ പതാക ഉയര്‍ത്തുന്നതിന്റെ കമന്ററി പറഞ്ഞു കൊണ്ടിരുന്ന ദൂരദര്‍ശന്‍ അവതാരകന്‍ പതാക നിലംപതിക്കുന്നത് കണ്ടിട്ട് ഒരു നിമിഷം നിശബ്ദനായി .ചുക്..ചുക്..ചുക് എന്ന ശബ്ദം മാത്രമായിരുന്നു പിന്നീട് കേള്‍ക്കാനുണ്ടായിരുന്നത്. അല്‍പ്പ സമയം പകച്ച ശേഷം 'ദുരന്ത'മെന്ന് ഉരുവിട്ട അവതാരകന്‍ വീണ്ടും വായന തുടരുന്നതും വീഡിയോയില്‍ കാണാം.

 അണ്‍ ഒഫീഷ്യല്‍ സുസുസ്വാമി എന്ന ട്വിറ്റര്‍ ഹാന്‍ഡിലില്‍ നിന്നുമാണ് ഈ ദൃശ്യങ്ങള്‍ വൈറലായി മാറിയത്. അതിനിടെ ദേശീയ പതാകയോട് അനാദരവ് കാണിച്ചുവെന്ന് ചൂണ്ടിക്കാട്ടി കോണ്‍ഗ്രസ് രംഗത്തെത്തിയിട്ടുണ്ട്.