അഹമ്മദാബാദ്: അമ്മയ്ക്ക് ചായ ഉണ്ടാക്കി നല്‍കാന്‍ വിസമ്മതിച്ച യുവതിയുടെ സ്വകാര്യ ഭാഗങ്ങളില്‍ ഭര്‍ത്താവ് മുളകുപൊടി വിതറി. തിങ്കളാഴ്ച ഗുജറാത്തിലെ സബര്‍മതിയിലാണ് സംഭവം. ഭര്‍ത്താവും ഭര്‍തൃമാതാവും ചേര്‍ന്ന് തന്നെ മര്‍ദ്ദിച്ചതായാണ് യുവതിയുടെ പരാതി. സംഭവത്തില്‍ പൊലീസ് കേസെടുത്ത് അന്വേഷണം തുടങ്ങി.
ശ്രാവണ മാസ പൂജയുമായി ബന്ധപ്പെട്ട് താന്‍ വ്രതമെടുക്കുകയായിരുന്നു. അതുകൊണ്ട് തനിക്ക് സ്റ്റൗ ഉപയോഗിക്കാന്‍ കഴിയുമായിരുന്നില്ലെന്നും യുവതി പറയുന്നു. ചായ ഉണ്ടാക്കി നല്‍കാന്‍ വിസമ്മതിച്ചതിനെത്തുടര്‍ന്ന് 23 കാരിയും ഭര്‍തൃമാതാവും തമ്മില്‍ വാക്കുതര്‍ക്കമുണ്ടായി. ഇതേത്തുടര്‍ന്ന് യുവതിയുടെ ശരീരത്തില്‍ മുളകുപൊടി വിതറി ഭര്‍ത്താവ് മര്‍ദ്ദിക്കുകയായിരുന്നുവെന്ന് പൊലീസ് പറഞ്ഞു.
കുഞ്ഞുണ്ടായ ശേഷം ഭര്‍ത്താവും ഭര്‍തൃമാതാവും തന്നെ തുടര്‍ച്ചയായി പീഡിപ്പിക്കാറുണ്ടെന്നും യുവതി പറയുന്നു. ഭര്‍തൃമാതാവ് എന്നോട് ചായ ഉണ്ടാക്കി നല്‍കാന്‍ പറഞ്ഞു. വ്രതത്തിലായതുകൊണ്ട് എനിക്ക് സ്റ്റൗ പ്രവര്‍ത്തിപ്പിക്കാനാകുമായിരുന്നില്ല.' തുടര്‍ന്നാണ് ഭര്‍ത്താവ് തന്നെ ക്രൂരമായി മര്‍ദ്ദിച്ചതെന്ന് യുവതി പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates