ലൈംഗികപീഡനം നടത്തുന്നവര്‍ക്കുള്ള ശിക്ഷ വര്‍ധിപ്പിച്ചിട്ടും രാജ്യത്ത് ബലാത്സംഗങ്ങള്‍ നടന്നു കൊണ്ടേയിരിക്കുന്നു. അയോധ്യയില്‍ കഴിഞ്ഞ ദിവസം ട്രക്ക് ഡ്രൈവര്‍ പാചകക്കാരിയെ ബലാത്സംഗം ചെയ്തു. അയോധ്യയിലാണ് സംഭവം. ട്രക്ക് ഡ്രൈവറെ പൊലീസ് അറസ്റ്റ് ചെയ്തു.

അയോധ്യയിലെ തീര്‍ത്ഥാടക കേന്ദ്രത്തിന് സമീപം യാത്രക്കാര്‍ക്ക് ഭക്ഷണമുണ്ടാക്കിക്കൊടുക്കുന്ന ജോലി ചെയ്യുന്ന സ്ത്രീയാണ് ബലാത്സംഗത്തിനിരയായത്. ഗുജറാത്തില്‍ നിന്നും മറ്റും വരുന്ന ട്രക്ക് ഡ്രൈവര്‍മാര്‍ക്കാണ് ഇവര്‍ ഭക്ഷണമുണ്ടാക്കി വിറ്റിരുന്നത്. 

ഭക്ഷണം കൊടുത്തു കൊണ്ടിരുന്ന സമയത്ത് യുവതിയോട് ഡ്രൈവര്‍ കുടിക്കാന്‍ വെള്ളം ചോദിച്ചു. വെള്ളമെടുക്കാന്‍ അകത്തേക്ക് പോയപ്പോഴാണ് ഇയാള്‍ പിറകെ പോയി ബലാത്സംഗം ചെയ്തത്. കയറുകൊണ്ട് യുവതിയെ കെട്ടിയിട്ട ശേഷമാണ് ഇയാള്‍ ആക്രമണം നടത്തിയത്.