ജയ്പൂര്‍: പൂരാണ കഥാപാത്രമായ പരശുരാമന്റെ ജീവചരിത്രം പാഠ്യപദ്ധതിയില്‍ ഉള്‍പ്പെടുത്താന്‍ ഒരുങ്ങി രാജസ്ഥാന്‍ സര്‍ക്കാര്‍. അടുത്ത അധ്യായന വര്‍ഷം മുതല്‍ പരശുരാമന്റെ ജീവചരിത്രം സിലബസില്‍ ഉള്‍പ്പെടുത്തുമെന്നാണ് രാജസ്ഥാന്‍ വിദ്യാഭ്യാസ മന്ത്രി വസുദേവ് ദേവ്‌നാനി വ്യക്തമാക്കിയിരിക്കുന്നത്.
തെറ്റായ ചരിത്രമാണ് പാഠപുസ്തകങ്ങള്‍ പറയുന്നതെന്ന് ആരോപിച്ച് മാറ്റങ്ങള്‍ കൊണ്ടുവരാന്‍ രാജസ്ഥാനിലെ സര്‍ക്കാര്‍ തീരുമാനിച്ചതിന് പിന്നാലെയാണ് പരശുരാമന്റെ ജീവചരിത്രവും പാഠപുസ്തകത്തില്‍ ഉള്‍പ്പെടുത്തുന്നത്. 1576ല്‍ നടന്ന ഏറ്റുമുട്ടലില്‍ രജ്പുത് രാജാവായിരുന്ന മഹാറാണ പ്രതാപാണ് അക്ബറിന്റെ മുഗള്‍ സൈന്യത്തെ പരാജയപ്പെടുത്തിയതെന്നാണ് രാജസ്ഥാന്‍ സര്‍ക്കാര്‍ ചരിത്ര പുസ്തകങ്ങളില്‍ കൊണ്ടുവരാന്‍ ശ്രമിക്കുന്ന മറ്റൊരു മാറ്റം.
പരശുരാമന്റെ ജീവചരിത്രം പാഠപുസ്തകങ്ങളില്‍ കൊണ്ടുവരുന്നതിന് പുറമെ സ്‌കൂള്‍ ലൈബ്രറികളിലും ഇതുമായി ബന്ധപ്പെട്ട ബുക്കുകള്‍ കൊണ്ടുവരും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates