ന്യൂഡല്‍ഹി; അടിയന്തിരാവസ്ഥ പ്രഖ്യാപിച്ച മുന്‍ പ്രധാനമന്ത്രിയ ഇന്ദിരാ ഗാന്ധിയുടെ തീരുമാനം തെറ്റായിരുന്നെന്ന് കോണ്‍ഗ്രസ് അധ്യക്ഷന്‍ രാഹുല്‍ഗാന്ധി. ന്യൂസ് നേഷന് നല്‍കിയ അഭിമുഖത്തിലാണ് രാഹുല്‍ ഗാന്ധി അടിയന്തിരാവസ്ഥയേയും ഓപ്പറേഷന്‍ ബ്ലൂ സ്റ്റാറിനേയും തള്ളിപറഞ്ഞത്. അടിയന്തിരാവസ്ഥയുടെ പേരില്‍ കോണ്‍ഗ്രസിനെ ബിജെപി തുടര്‍ച്ചയായി ആക്രമിക്കപ്പെടുന്നതിന്റെ പശ്ചാത്താപത്തിലാണ് രാഹുല്‍ ഗാന്ധിയുടെ തുറന്നുപറച്ചില്‍. 

അടിയന്തരാവസ്ഥ പ്രഖ്യാപിച്ചത് വന്‍ തെറ്റായിരുന്നെന്നും ഇന്ദിരാ ഗാന്ധി മനസിലാക്കിയെന്നും ഇതില്‍ മാപ്പു പറഞ്ഞിട്ടുണ്ടെന്നും രാഹുല്‍ പറഞ്ഞു. . ഇന്ദിര ഗാന്ധിയുടെ നേതൃത്വത്തിലുള്ള കോണ്‍ഗ്രസ് സര്‍ക്കാരാണ് 1975 ല്‍ അടിയന്തിരാവസ്ഥ പ്രഖ്യാപിച്ചത്. 1977 വരെ നീണ്ടുനിന്ന അടിയന്തിരാവസ്ഥരാജ്യവ്യാപകമായ രൂക്ഷവിമര്‍ശനത്തിന് കാരണമായിരുന്നു.