ന്യൂഡല്‍ഹി; പാര്‍ലമെന്റ് തെരഞ്ഞെടുപ്പിലേക്കുള്ള അഞ്ചാംഘട്ട വോട്ടെടുപ്പ് ഇന്ന്. ഏഴു സംസ്ഥാനങ്ങളിലെ 51 മണ്ഡലങ്ങളാണ് ജനവിധി തേടുന്നത്. കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി, കോണ്‍ഗ്രസ് മുന്‍ അധ്യക്ഷ സോണിയ ഗാന്ധി, കേന്ദ്ര മന്ത്രിമാരായ സ്മൃതി ഇറാനി, രാജ്‌നാഥ് സിങ്ങ് തുടങ്ങിയ പ്രമുഖരാണ് അഞ്ചാം ഘട്ടത്തില്‍ പോരിലിനിറങ്ങുന്നത്. ഇതില്‍ രാഹുല്‍ ഗാന്ധിയും സ്മൃതി ഇറാനിയും ഏറ്റുമുട്ടുന്ന അമേഠിയാണ് ശ്രദ്ധേയം. സ്മൃതി ഇറാനിയുമായുള്ള പ്രവര്‍ത്തനം രാഹുലിന് കടുപ്പമായിരിക്കുമെന്നാണ് വിലയിരുത്തല്‍. 

ഉത്തര്‍പ്രദേശിലെ റായ്ബറേലിയില്‍ നിന്നാണ് സോണിയ ഗാന്ധി മത്സരിക്കുന്നത്. അമേഠിയിലും റായ്ബറേലിയും ശക്തമായ പ്രചരണമാണ് കോണ്‍ഗ്രസ് നടത്തിയത്. സോണിയ ഗാന്ധിയുടെ നേതൃത്വത്തിലായിരുന്നു പ്രചരണം. കേന്ദ്രമന്ത്രി രാജ്‌നാഥ് സിങ്ങും അഞ്ചാം ഘട്ടത്തില്‍ ജനവിധി തേടുന്നുണ്ട്. ലക്‌നോവില്‍ നിന്നാണ് അദ്ദേഹം മത്സരിക്കുന്നത്. 

അഞ്ചാം ഘട്ടത്തില്‍ 674 സ്ഥാനാര്‍ത്ഥികളാണ് മത്സരത്തിനിറങ്ങുന്നത്. 8,75,88,7222 വോട്ടര്‍മാരാണ് ഉള്ളത്. യുപിയില്‍ 14 ഉം രാജസ്ഥാനില്‍ 12 ഉം ബംഗാളിലും മധ്യപ്രദേശിലും ഏഴു വീതം സീറ്റിലും ബിഹാറില്‍ അഞ്ചും ജാര്‍ഖണ്ഡില്‍ നാലും കശ്മീരില്‍ രണ്ടും സീറ്റിലാണ് അഞ്ചാം ഘട്ടത്തില്‍ വോട്ടെടുപ്പ് നടക്കുക.