ബംഗലൂരു : ഇറക്കം കുറഞ്ഞ വസ്ത്രത്തിന്റെ പേരില്‍ വാഹനം തടഞ്ഞ് യുവതിക്ക് അജ്ഞാതന്റെ ഉപദേശം.യുവതിക്കൊപ്പം യാത്ര ചെയ്ത യുവാവാണ് ചിത്രം പകര്‍ത്തിയത്. ഇരുവരും സഞ്ചരിച്ച ബൈക്ക് തടഞ്ഞുനിര്‍ത്തിയാണ് അജ്ഞാതന്‍ യുവതിയെ ഉപദേശിച്ചത്.  വസ്ത്രത്തിന്റെ പേരില്‍ യുവതിയെ അധിക്ഷേപിക്കുന്ന ദൃശ്യം സമൂഹമാധ്യമങ്ങളില്‍ വൈറലായിട്ടുണ്ട്. 

ഇന്ത്യയിലെ നിയമം അനുസരിക്കണമെന്നും മാന്യമായി വസ്ത്രം ധരിക്കണമെന്നുമായിരുന്നു ഉപദേശം. എന്നാല്‍ ഇന്ത്യന്‍ ഭരണഘടന അറിയാമെന്നും, ഇഷ്ടമുള്ള വസ്ത്രം ധരിക്കാന്‍ സ്വാതന്ത്ര്യമുണ്ടെന്നും മറുപടി നല്‍കി. പൊലീസില്‍ പരാതി നല്‍കുമെന്ന് പറഞ്ഞതോടെയാണ് ഇയാള്‍ പിന്‍വാങ്ങുന്നത്.