ന്യൂഡല്‍ഹി : മുന്‍ വിദേശകാര്യമന്ത്രി സുഷമ സ്വരാജിന്റെ വിയോഗത്തില്‍ പൊട്ടിക്കരഞ്ഞ് ബിജെപി എംപി. സുഷമയെക്കുറിച്ച് സംസാരിക്കവെ ബിജെപി എംപി രമാദേവിയാണ് നിയന്ത്രണം വിട്ട് വിതുമ്പിക്കരഞ്ഞത്. 

ദീര്‍ഘകാലമായി സുഷമയുമായി നല്ല ബന്ധം പുലര്‍ത്തിയിരുന്നു താന്‍. സുഷമ ഈ ലോകം വിട്ടുപോയി. എന്നാല്‍ മറ്റൊരു നല്ല സ്ഥലത്ത് അവര്‍ ജീവിക്കും. രമാദേവി വിതുമ്പലടക്കിക്കൊണ്ട് പറഞ്ഞു. 

വൃക്കരോഗത്തെത്തുടര്‍ന്ന് ദീര്‍ഘകാലമായി ചികില്‍സയിലായിരുന്നു സുഷമ സ്വരാജ്. അതിനിടെ ഹൃദയാഘാതം ഉണ്ടാകുകയും ഇന്നലെ രാത്രി 11 മണിയോടെ സുഷമ മരിക്കുകയുമായിരുന്നു. കഴിഞ്ഞ മോദി സര്‍ക്കരില്‍ ഏറ്റവും മികച്ച മന്ത്രിയെന്ന് പേരെടുത്ത സുഷമ, ഇത്തവണ അനാരോഗ്യത്തെത്തുടര്‍ന്ന് മാറിനില്‍ക്കുകയായിരുന്നു.