ന്യൂഡല്‍ഹി: സ്‌കൂളില്‍ വച്ച് അധ്യാപികയെ പീഡിപ്പിച്ച കേസില്‍ പ്രിന്‍സിപ്പല്‍ അറസ്റ്റില്‍. തെക്കു കിഴക്കന്‍ ഡല്‍ഹിയിലെ ജസോളയിലാണ് സംഭവം. കുട്ടികള്‍ക്ക് എക്‌സ്ട്രാ ക്ലാസ് എടുക്കണമെന്ന് പറഞ്ഞാണ് പ്രിന്‍സിപ്പല്‍ അധ്യാപികയെ വിളിച്ചുവരുത്തിയത്. ഇതിന് ശേഷമായിരുന്നു പീഡനം. സംഭവത്തില്‍ 27 കാരിയായ അധ്യാപികയുടെ പരാതിയില്‍ സ്‌കൂള്‍ പ്രിന്‍സിപ്പല്‍ രാകേഷ് ശര്‍മയെ ഡല്‍ഹി സരിത വിഹാര്‍ പൊലീസ് അറസ്റ്റ് ചെയ്തു.
2017 ജൂണിലാണ് സംഭവം.സ്‌കൂള്‍ സമയം കഴിഞ്ഞും എക്‌സ്ട്രാ ക്ലാസ് ഉണ്ടെന്ന് പറഞ്ഞാണ് ഇയാള്‍ അധ്യാപികയെ വിളിച്ചുവരുത്തിയത്. പ്രിന്‍സിപ്പലിന്റെ മുറിയിലെത്തിയ അധ്യാപികയ്ക്ക് കുടിക്കാന്‍ നല്‍കിയ ശീതള പാനീയത്തില്‍ ഉറക്കഗുളിക ചേര്‍ത്ത് നല്‍കി.
പിന്നീട് അബോധാവസ്ഥയിലായ അധ്യാപികയെ രാകേഷ് ശര്‍മ പീഡിപ്പിക്കുകയായിരുന്നു. പീഡന ദൃശ്യങ്ങള്‍ മൊബൈലില്‍ പകര്‍ത്തുകയും ചെയ്തു. പീഡനവിവരം പുറത്തുപറഞ്ഞാല്‍ അശ്ലീല വീഡിയോ പുറത്തുവിടുമെന്ന് പറഞ്ഞ് കഴിഞ്ഞ രണ്ടു വര്‍ഷങ്ങളായി ഇയാള്‍ ഭീഷണിപ്പെടുത്തുകയാണെന്നും അധ്യാപിക പരാതിയില്‍ പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates