പറ്റ്ന: ബിഹാര് നിയമസഭാ തെരഞ്ഞെടുപ്പില് രാംവിലാസ് പാസ്വാന്റെ നേതൃത്വത്തിലുള്ള ലോക്ജന് ശക്തി പാര്ട്ടി ഒറ്റയ്ക്ക് മത്സരിക്കും. ജെഡിയുമായി ഒരുമിച്ച് മത്സരിക്കാനില്ലെന്ന് എല്ജെപി നേതൃത്വം അറിയിച്ചു. എന്നാല് ബിജെപിയോട് എതിര്പ്പില്ലെന്നും നേതൃത്വം അറിയിച്ചു.
മഹാസഖ്യം ഇന്നലെ സീറ്റ് വിഭജനം പൂര്ത്തിയാക്കിയിരുന്നു. അതിന് പിന്നാലെ എന്ഡിഎയില് ഇന്ന് സീറ്റ് ധാരണയായിരുന്നു. 243 സീറ്റുകളില് ജെഡിയു 122 ഇടത്തും ബിജെപി 121 ഇടത്ത് ബിജെപിയും മത്സരിക്കുമെന്നായിരുന്നു റിപ്പോര്ട്ടുകള്. റാം വിലാസ് പസ്വാന്റെ ലോക് ജനശക്തി പാര്ട്ടിക്കുള്ള (എല്ജെപി) സീറ്റുകള് ബിജെപിയുടെ അക്കൗണ്ടില് നിന്ന് നല്കാനുമാണ് തീരുമാനം.
നീതിഷ് കുമാറിന്റെ നേതൃത്വം അംഗീകരിക്കാനാവില്ലെന്നാണ് എല്ജെപി പറയുന്നത്. ജെഡിയു മത്സരിക്കുന്ന മണ്ഡലങ്ങളില് സ്ഥാനാര്ഥികളെ നിര്ത്തും. എന്നാല് ബിജെപിക്കെതിരെ സ്ഥാനാര്ഥികളെ മത്സരിപ്പിക്കില്ല. തെരഞ്ഞെടുപ്പിന് ശേഷം ബിജെപി മുഖ്യമന്ത്രിയാണ് വരുന്നതെങ്കില് പിന്തുണയ്ക്കുമെന്ന് എല്ജെപി വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates