ഭുവനേശ്വര്‍ : ഒഡീഷയില്‍ ഏഴാംക്ലാസ്സ് വിദ്യാര്‍ത്ഥിനിയെ പീഡിപ്പിച്ച് ഗര്‍ഭിണിയാക്കി. സംഭവത്തില്‍ സ്‌കൂളിലെ പ്രധാന അധ്യാപികയുടെ ഭര്‍ത്താവിനെ പൊലീസ് അറസ്റ്റ് ചെയ്തു. ഒഡീഷയിലെ കോരാപുട്ടിലെ സര്‍ക്കാര്‍ റസിഡന്‍ഷ്യല്‍ സ്‌കൂളിലാണ് സംഭവം.
ഗോത്രവിഭാഗത്തില്‍പ്പെട്ട പെണ്‍കുട്ടിയാണ് പീഡനത്തിന് ഇരയായത്. കുട്ടി മൂന്നുമാസം ഗര്‍ഭിണിയായതോടെയാണ് സംഭവം പുറത്തറിഞ്ഞത്. കേസിലെ പ്രതിയായ 60 കാരന്‍ പ്രധാന അധ്യാപികയ്‌ക്കൊപ്പം സ്റ്റാഫ് ക്വാര്‍ട്ടേഴ്‌സിലാണ് താമസിച്ചിരുന്നതെന്ന് പൊലീസ് പറഞ്ഞു.
സ്റ്റാഫ് ക്വാര്‍ട്ടേഴ്‌സില്‍ വെച്ച് നിരവധി തവണ ഇയാള്‍ കുട്ടിയെ പീഡിപ്പിച്ചു. സ്‌കൂള്‍ അവധിക്കാലത്ത് കുട്ടിയെ വീട്ടിലേക്ക് കൊണ്ടുപോകാന്‍ മാതാപിതാക്കളോട് ഇയാള്‍ സമ്മതം വാങ്ങിച്ചിരുന്നു. അവിടെ വെച്ചും പീഡനം തുടര്‍ന്നു. എന്നാല്‍ ഇക്കാര്യങ്ങളൊന്നും ഭാര്യയായ പ്രധാന അധ്യാപിക അറിഞ്ഞിരുന്നില്ലെന്നും പൊലീസ് ഓഫീസര്‍ വരുണ്‍ ഗുണ്ടുപള്ളി പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates