ചെന്നൈ: ആള്ക്കൂട്ട കൊലപാതകങ്ങള് വര്ധിക്കുന്നതില് ആശങ്ക അറിയിച്ച് പ്രധാനമന്ത്രിക്ക് കത്ത് എഴുതിയ 49 പ്രമുഖര്ക്കെതിരെ രാജ്യദ്രോഹക്കുറ്റം ചുമത്തി കേസെടുത്ത നടപടിയെ അപലപിച്ച് കമല്ഹാസന്. കേസ് റദ്ദാക്കാന് സുപ്രീം കോടതി ഇടപെടണമെന്ന് മക്കള് നീതി മയ്യം അധ്യക്ഷന് കൂടിയായ അദ്ദേഹം ആവശ്യപ്പെട്ടു.
രാജ്യത്ത് ആള്ക്കൂട്ട കൊലപാതകങ്ങള് വര്ധിക്കുന്നതില് ആശങ്കയറിയിച്ച് അടൂര് ഗോപാലകൃഷ്ണന്, ശ്യാം ബെനഗല്, രാമചന്ദ്ര ഗുഹ, രേവതി എന്നിവരടക്കം 49 പേര് ഒപ്പിട്ടാണ് പ്രധാനമന്ത്രിക്ക് കത്തയച്ചത്. നീതി ഉയര്ത്തി പിടിക്കാന് കോടതികള് തയാറാകണം. ഇവര്ക്കെതിരെ ചുമത്തിയ രാജ്യദ്രോഹ കുറ്റം റദ്ദാക്കണമെന്നും കമല്ഹാസന് വ്യക്തമാക്കി. ട്വിറ്റര് പോസ്റ്റിലൂടെയാണ് കമലിന്റെ പ്രതികരണം.
സാമുദായിക സൗഹാര്ദത്തെക്കുറിച്ച് പ്രധാനമന്ത്രി പാര്ലമെന്റില് സംസാരിച്ചിട്ട്, തികച്ചും വിരുദ്ധമായ കാര്യങ്ങളാണ് നടപ്പാക്കുന്നത്. നീതിയും ജനാധിപത്യവും ഉയര്ത്തിപ്പിടിക്കണമെന്നും തന്റെ സഹപ്രവര്ത്തകര്ക്ക് എതിരായ കേസ് റദ്ദാക്കണമെന്നും കമല് ആവശ്യപ്പെട്ടു. ട്വിറ്ററിലൂടെ ആയിരുന്നു മക്കള് നീതി മയ്യം അധ്യക്ഷന്റെ പ്രതികരണം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates