ശ്രീനഗര്‍: കശ്മീരിലെ കനത്ത മഞ്ഞുവീഴ്ചയെ തുടര്‍ന്ന് ഒറ്റപ്പെട്ട ഗ്രാമത്തില്‍ കുടുങ്ങിയ ഗര്‍ഭിണിക്ക് തുണയായി ആര്‍മി. ആശുപത്രിയില്‍ പ്രവേശിപ്പിച്ച ഗുല്‍ഷാന്‍ ബീഗത്തിന് സുഖപ്രസവം. 

കശ്മീരില്‍ കനത്ത മഞ്ഞ് വീഴ്ചയെ തുടര്‍ന്ന് വാഹനഗതാഗതം പൂര്‍ണമായി തടസ്സപ്പെട്ടിരിക്കുകയാണ്. ഇതിനെ തുടര്‍ന്ന് ബന്ദിപ്പോറ ജില്ലയിലെ പന്‍വാര്‍ ഗ്രാമം ഒറ്റപ്പെട്ടിരിക്കുകയാണ്. കനത്ത മഞ്ഞിനെ അവഗണിച്ച് രണ്ടരകിലോമീറ്റര്‍ ദൂരം കാല്‍നടയായി സഞ്ചരിച്ചാണ് ഗര്‍ഭിണിയെ ആശുപത്രിയില്‍ പ്രവേശിപ്പിച്ചത്. 

ആശുപത്രിയിലെത്തിയ യുവതി ഇരട്ടക്കുട്ടികള്‍ക്ക് ജന്മം നല്‍കി. എല്ലാം തിരക്കുകളും മാറ്റിവെച്ച് സഹായിച്ച സൈന്യത്തിന് നാട്ടുകാരും ബന്ധുക്കളും അഭിനന്ദനം അറിയിച്ചു