ന്യൂഡല്‍ഹി: ഇന്ത്യന്‍ കറന്‍സിയില്‍നിന്ന് മഹാത്മാ ഗാന്ധിയുടെ ചിത്രം മാറ്റി സവര്‍ക്കറുടെ ചിത്രം ചേര്‍ക്കണമെന്ന് ഹിന്ദു മഹാസഭ. സവര്‍ക്കര്‍ക്ക് ഭാരത രത്‌ന സമ്മാനിക്കണമെന്നും ഹിന്ദു മഹാസഭ ആവശ്യപ്പെട്ടിട്ടുണ്ട്.

അഖില്‍ ഭാരതീയ ഹിന്ദു മഹാസഭാ നേതാവ് സ്വാമി ചക്രപാണിയാണ് ഈ ആവശ്യവുമായി രംഗത്തുവന്നിരിക്കുന്നത്. കറന്‍സിയില്‍നിന്ന് മഹാത്മാ ഗാന്ധിയുടെ ചിത്രം മാറ്റണമെന്ന് ചക്രപാണി കേന്ദ്ര സര്‍ക്കാരിനോട് ആവശ്യപ്പെട്ടു. കറന്‍സിയില്‍ സവര്‍ക്കരുടെ ചിത്രമാണ് ചേര്‍ക്കേണ്ടതെന്ന് ചക്രപാണി പറഞ്ഞു.

ഇന്ത്യന്‍ സ്വാതന്ത്ര്യ സമരത്തില്‍ മഹത്തായ പങ്കാണ് സവര്‍ക്കര്‍ നിര്‍വഹിച്ചതെന്ന് സ്വാമി ചക്രപാണി അവകാശ്പപെട്ടു. ഇത്തരമൊരാളെ കറന്‍സിയില്‍ ചിത്രം ചേര്‍ത്ത് ആദരിക്കേണ്ടതുണ്ടെന്ന് ഹിന്ദു മഹാസഭാ നേതാവ് പറഞ്ഞു.