ശ്രീനഗര്‍: കശ്മീരിലെ പുല്‍വാമ ജില്ലയിലെ ത്രാലിലുണ്ടായ ഏറ്റുമുട്ടലില്‍ രണ്ടു ഭീകരരെ സുരക്ഷാ സൈന്യം വധിച്ചു. ഇപ്പോഴും ഏറ്റുമുട്ടല്‍ തുടരുന്നതായാണ് റിപ്പോര്‍ട്ടുകള്‍. 

വീടില്‍ ഒളിച്ച ഭീകരരുമായുളള ഏറ്റുമുട്ടല്‍ ഒരു മണിക്കൂറോളം നീണ്ടു. തുടര്‍ന്ന് ഇവിടെ സ്‌ഫോടനം നടന്നതായും റിപ്പോര്‍ട്ടുകളുണ്ട്. 

ഭീകരര്‍ പ്രദേശത്ത് ഒളിച്ചിരിക്കുന്നതായുളള രഹസ്യവിവരത്തിന്റെ അടിസ്ഥാനത്തില്‍ ഇന്നലെ രാത്രിയാണ് സുരക്ഷാ സേന തെരച്ചില്‍ ആരംഭിച്ചത്. ഇന്ന് രാവിലെയാണ് ഇവര്‍ ഒളിച്ചിരിക്കുന്ന സ്ഥലം സുരക്ഷാ സേന കണ്ടെത്തിയത്. തുടര്‍ന്ന് ഇവരെ പിടികൂടുന്നതിനായി മുന്നോട്ടുനീങ്ങിയ സേനയുമായി ഭീകരര്‍ ഏറ്റുമുട്ടുകയായിരുന്നു.