ന്യൂഡല്‍ഹി: മുന്‍ ബിജെപി നേതാവും ക്രിക്കറ്റ് താരവുമായിരുന്ന കീര്‍ത്തി ആസാദ് കോണ്‍ഗ്രസില്‍ ചേര്‍ന്നു. ധനമന്ത്രി അരുണ്‍ ജയറ്റ്‌ലിയുമായുള്ള അഭിപ്രായ വ്യത്യാസത്തെ തുടര്‍ന്ന് പാര്‍ട്ടിയില്‍ നിന്ന് പുറത്താക്കപ്പെട്ട ആസാദ് രാഹുല്‍ ഗാന്ധിയില്‍ നിന്നും നേരിട്ടാണ് കോണ്‍ഗ്രസ് അംഗത്വം സ്വീകരിച്ചത്.
മൂന്ന് തവണ ബിഹാറിലെ ദര്‍ബാങ്ക മണ്ഡലത്തില്‍ നിന്നും ലോക്‌സഭയില്‍ എത്തിയിട്ടുള്ള കീര്‍ത്തി ആസാദ് കഴിഞ്ഞ തെരഞ്ഞെടുപ്പില്‍ ബിജെപി ടിക്കറ്റിലാണ് മത്സരിച്ചത്. ഫെബ്രുവരി 15 ന് കോണ്‍ഗ്രസില്‍ ചേരുമെന്നാണ് നേരത്തേ പ്രഖ്യാപിച്ചിരുന്നതെങ്കിലും പുല്‍വാമയിലെ ആക്രമണത്തിന്റെ പശ്ചാത്തലത്തില്‍ ഇത് നീട്ടിവയ്ക്കുകയായിരുന്നു.
ഡല്‍ഹി ക്രിക്കറ്റ് അസോസിയേഷനില്‍ നടന്ന സാമ്പത്തിക തിരിമറി ആരോപണങ്ങളില്‍ ധനമന്ത്രി അരുണ്‍ ജയറ്റ്‌ലിക്ക് പങ്കുണ്ടെന്ന് ആരോപിച്ചതിനെ തുടര്‍ന്ന്ാണ് ആസാദിന് പുറത്തേക്കുള്ള വഴി തെളിഞ്ഞത്. 1983 ല്‍ ലോകകപ്പ് നേടിയ ഇന്ത്യന്‍ ക്രിക്കറ്റ് ടീമില്‍ അംഗമായിരുന്നു ആസാദ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates