ശ്രീനഗര്‍ : ജമ്മുകശ്മീരിലെ കുല്‍ഗാമില്‍ മൂന്നു ഭീകരരെ സൈന്യം വധിച്ചു. കുല്‍ഗാമിലെ നാഗ്നഡ്- ചിമ്മേര്‍ മേഖലയിലാണ് ഏറ്റുമുട്ടലുണ്ടായത്. 

ഭീകരര്‍ ഒളിച്ചിരിക്കുന്നു എന്ന രഹസ്യ വിവരത്തെത്തുടര്‍ന്നാണ് സൈന്യം പ്രദേശത്ത് തിരച്ചില്‍  ആരംഭിച്ചത്. ഇതിനിടെ ഭീകരര്‍ സൈന്യത്തിന് നേര്‍ക്ക് ആക്രമണം അഴിച്ചുവിടുകയായിരുന്നു. 

ഏറ്റുമുട്ടലില്‍ മൂന്ന് സൈനികര്‍ക്കും പരിക്കേറ്റു. കൊല്ലപ്പെട്ട ഭീകരരില്‍ നിന്നും നിരവധി ആയുധങ്ങളും കണ്ടെടുത്തു. പ്രദേശത്ത് തിരച്ചില്‍ തുടരുകയാണ്.