ബംഗളൂരു: കർണാടകയിലെ ബെല്ലാരിയിൽ കോവിഡ്​ ബാധിച്ച്​ മരിച്ചവരെ ഒന്നിച്ച്​ കുഴിച്ചുമൂടുന്നതി​ന്റെ വിഡിയോ ദൃശ്യം പുറത്തുവന്നതിന്റെ വിവാദങ്ങൾക്കിടെ വടക്കൻ കർണാടകയിലെ യാദ്ഗിറിലും സമാനമായ സംഭവം​. പിപിഇ കിറ്റ് ധരിച്ച് രണ്ടുപേർ ചേർന്ന് മൃതദേഹം കുഴിയിലേക്ക് വലിച്ചെറിയുന്നതിന്റെ ദൃശ്യമാണ് പുറത്തുവന്നത്.

മൃതദേഹം കുഴിയിലിടുമ്പോൾ കുഴിയിൽ നിറഞ്ഞ വെള്ളം പുറത്തേക്ക് തെറിക്കുന്നതും ദൃശ്യങ്ങളിൽ കാണാം. മൃതദേഹം പ്ലാസ്​റ്റിക് ബോഡി ബാഗിലാക്കി മരക്കമ്പില്‍ കെട്ടി വലിച്ചുകൊണ്ടുവന്ന് കുഴിയിലേക്കു വലിച്ചിടുന്നതാണ് വീഡിയോയിലുള്ളത്. 

മുന്നൂറു മീറ്ററോളം മൃതദേഹം വലിച്ചുകൊണ്ടുപോകുന്നുണ്ട്. കുഴി കാണിച്ചുകൊടുക്കാനും നിര്‍ദേശങ്ങള്‍ നല്‍കാനും ഏതാനും ഉദ്യോഗസ്ഥരും കൂടെയുണ്ട്. കോവിഡ് ബാധിച്ച് തിങ്കളാഴ്ച മരിച്ച വയോധിക‍ന്റെ മൃതദേഹമാണ് ചൊവ്വാഴ്ച ഇത്തരത്തിൽ കുഴിച്ചുമൂടിയത്.